Albania Shalom

TË MBJELLËSH FARËN E SUKSESIT

noreply@blogger.com (ardi kule) — Mon, 21 May 2012 09:03:00 +0000

MANNA E SË HËNËS
21 Maj, 2012

(Shënim i botuesit: Nuk e njohim burimin origjinal të kësaj rrëfenjëze, por mesazhi i saj ja vlen të përvetësohet.)

Një biznesmen i suksesshëm mendoi se kishte ardhur koha që ai të zgjidhte një pasardhës për të drejtuar biznesin. Në vend që të caktonte ndonjë prej drejtorave më të vjetër ose ndonjë prej fëmijëve të tij, ai vendosi që të zhvillonte një takim me kuadrot drejtues më rinj të ndërmarrjes. Ai tha: “Ka ardhur koha që unë të zgjedh presidentin e ri të firmës dhe kam vendosur të zgjedh njerin prej jush.”

Kuadrot e rinj u habitën, por presidenti vazhdoi: “Sot secilit prej jush do t’i jap një FARË – një FARË speciale. Mbilleni farën, ujiteni atë dhe, si sot një vit, do të më sillni produktin e saj. Do gjykoj mbi këto produkte dhe, mbi bazën e tyre, do të zgjedh presidentin e ri.

Njëri nga këta lidera të rinj, Xhimi, i tregoi së shoqes fill e për pe atë që dëgjoi nga goja e presidentit. Ajo i gjeti një vazo, dheun dhe plehun dhe Xhimi e mbolli farën. E vadiste përditë dhe priste me padurim që bima të rritej. Shpejt çështja e rritjes së bimëve u bë temë bisede e preferuar midis liderave të rinj.

Xhimi e vëzhgonte përditë vazon, por fara nuk po mbinte. Të tjerët tregonin me entusiazëm se si po lulëzonin bimët e tyre dhe Xhimi filloi ta ndjente veten si dështak. Kaluan gjashtë muaj, por bima e Xhimit s’kish ndërmend që të dilte nga dheu. Mendoi se mos e kishte dëmtuar farën, por nuk u tha gjë kolegëve.

Vazhdonte ta plehronte e ta vadiste dheun e vazos duke pritur me ankth e dëshpërim që fara të mbinte. Erdhi fundi i vitit dhe, sipas porosisë, liderat e rinj të firmës do t’i sillnin bimët para presidentit për inspektim. Xhimi i tha së shoqes se ai nuk mund të çonte atje një vazo pa bimë, por ajo e këshilloi që ai të tregohej i ndershëm dhe të tregonte se si i kishte ndodhur me farën. Megjithse tepër i sikletosur, Xhimi i dha të drejtë së shoqes.

Kështu ai e çoi vazon e tij pa bimë në sallën e mbledhjeve. Kur hyri brenda e pothuajse harroi hallin e vet para atyre bimëve të mrekullueshme që kishin sjellë kolegët. Ishin të gjitha, njëra më e bukur se tjetra. Kur vendosi vazon e tij bosh, të gjithë ia plasën gazit dhe e pushuan atë vetëm kur hyri presidenti. Xhimi zuri vend andej nga fundi.

"Uaaa, ç’bimë të bukura që ju paskan mbirë,” tha presidenti. Sot patjetër njëri prej jush do të zgjidhet president i ri i firmës.” Pastaj pikasi Xhimin dhe e ftoi që të dilte në krye - bashkë me vazon e tij bosh.

Xhimin e zuri paniku. “Prit kur të më pushojë në vend si dështak i vërtetë!” mendoi ai. Kur u gjend para presidentit, ky e fundit e pyeti se cfarë i kishte ndodhur me farën. Xhimi i shpjegoi se, megjithëse ai i kishte bërë të gjitha përpjekjet, fara nuk mbiu. Pastaj presidenti i ftoi të gjithë që të uleshin, kurse Xhimin e mbajti më këmbë. Duke i drejtuari sytë nga ai, tha: “Ja ku e keni presidentin e ri. Ai quhet Xhim…!”

“Një vit më parë si sot”, vazhdoi ai, “ unë i dhashë secilit prej jush nga një farë. Ju thashë ta mbillni e ta vadisni dhe në krye të vitit ta sillni këtu. Por unë ju kisha dhënë fara të zjera; ato nuk mund të mbinin. Të gjithë ju, përveç Xhimit, keni sjellë bimë të shndetshme e të bukura. Cfarë ndodhi? Kur e patë se farat nuk po mbinin, ju i zëvëndësuat ato. Xhimi ishte i vetmi që pati kurajon dhe ndershmërinë që të sillte vazon me farën që i pata dhënë unë. Ja pse do të jetë ai presidenti i ardhshëm!” .

Thuhet se po mbolle ndershmëri do të vjelësh besim. Po mbolle mirësi do të vjelësh miqësi. Po mbolle përulësi do të vjelësh madhështi. Po mbolle këmbëngulje do të vjelësh shpërblim. Po mbolle punë do të vjelësh sukses. Po mbolle falje do të vjelësh pajtim. Po mbolle besim do të vjelësh të korra të begata. Prandaj ki kujdes se çfarë po mbjell tani: ka të bëjë me atë që do të vjelësh më pas.

“Ai që ecën me ndershmëri, ecën i sigurt, por ai që ndjek rrugë dredharake ka për t’u zbuluar” (Fjalë të Urta 10:9).

“Njerëzit e drejtë udhëhiqen nga ndershmëria , por të pabesët do të shkatërrohen nga pabesia e tyre” (Fjalë të Urta 11:3)

CBMC INTERNATIONAL: President: Jim Firnstahl,
1065 N. 115^th Street, Suite 210 ▪ Omaha, Nebraska 68154 ▪ U.S.A.
TEL.: (402) 431-0002 ▪ FAX: (402) 431-1749 ▪ E-MAIL: info@cbmcint.org
Ju lutemi adresoni çdo kërkesë te: www.cbmcint.org

Reflektim/Diskutim Pyetje

Çfarë mendimesh të vijnë ndër mend kur lexon këtë parabolë mbi biznesin?
A mendon se plani i presidentit për zgjedhjen e pasardhësit ishte plan i mençur? Pse ose pse jo?
Si do ta përshkruaje veten tënde po të ndodheshe në pozitat e Xhimit? Shpjegoje përgjigjen.
Jo kushdo është mjeshtër në kopshtari, por në përfundim të kësaj “Manna” jepet një listë e virtyteve që duhen “mbjellur” për të vjelë një lloj të caktuar shpërblimi. Si shërbejnë ato në botën e biznesit?

SHËNIM: Ja dhe disa vargje të tjerë që lidhen me këtë temë:

Fjalë të Urta 11:2, 12:17,19, 16:11, 18:12, 19:5, 21:6, 22:4, 24:26, 25:6-7; Hebrejve 13:17-18

RËNDËSIA E ‘MPREHJES SË SHARRËS’

noreply@blogger.com (ardi kule) — Sun, 13 May 2012 11:53:00 +0000

MANNA E SË HËNËS
14 Maj, 2012

Nga Robert J. Tamasy

A ke pasur ditë në të cilat, megjithëse ke punuar shumë, nuk ke arritur ndonjë rezultat me vlerë? Mendoj se të gjithë ne kemi ditë të tilla. Ndodh që, me gjithë përjekjet tona, fryti i punës nuk është i kënaqshëm.

Nganjëherë, mungesa e produktivitetit në punë ndodh për shkak të fenomenit që mund ta quajmë “mosmprehje e sharrës”. Lexoni bisedën e mëposhtëme:

Shefi: “Ç’po bën Luis?”

Luisi: “Po sharroj këto dërrasat; kam shumë punë!”

Shefi: “Hmmmm. Mirë Luis, por… – nuk duket edhe aq mirë që këtu, por më duket se sharra jote ka nevojë për mprehje.”

Luisi: “Paske sy shqiponje shef. Edhe thikat e bukës janë më të mprehta se kjo sharra ime.

Shefi: “Po atëhere pse nuk e mpreh sharrën, mor Luis?”

Luisi: “S’kam kohë tani shef, duhet të mbaroj së sharruari këto dërrasat njëherë!”

A je ndodhur ndonjëherë në një situatë të ngjashme me këtë që sapo përshkruam? Presidenti amerikan Abraham Lincoln ka thënë, “Po të më nevojiteshin tetë orë që të prisja një pemë, gjashtë prej tyre do t’i harxhoja për të mprehur sopatën”. Kjo thënie përkon me atë që thuhet në Testamentin e Vjetër të Biblës:“Në qoftë se sopata topitet dhe nuk mprehet, duhet të përdoret më tepër forcë; por dituria ka epërsinë që t’ia dalë gjithnjë mbarë” (Predikuesit 10:10).

Puna e përkushtuar dhe energjia e harxhuar mund të të cojnë deri në një farë pike, por shume here duhet caktuar kohë e posaçme edhe “për të mprehur sharrën”. Por si t’ja arrijmë kësaj, sidomos në ditët e sotme, ku koha që kemi në dispozicion është gjithnjë e më e kufizuar? Ja se çfarë na sygjeron Bibla:

Pusho mjaftueshëm. Nganjëherë, kur jemi nën stres për shkak të afateve, sakrifikojmë gjumin që të mundim të punojmë me orë të zgjatura. Kjo mund të japë rezultat për një kohë të shkurtër, por normalisht, mungesa e pushimit e nxjerr kokën me pasojat e saj të dëmshme për shëndetin. “Është e kotë që ju të çoheni herët dhe të shkoni vonë për të pushuar dhe për të ngrënë bukën e nxjerrë me punë të rëndë. A nuk e dini se Ai (Perëndia) u jep pushim atyre që i do?” (Psalmeve 127:2).

Përkushtoja punën tënde Perëndisë. Cilat janë motivet që të shtyjnë të punosh: më shumë para, përsosja në profesion apo kënaqësia që të jep puna? Më mirë është që punën tënde t’ia përkushtosh Perëndisë dhe të presësh nderimin prej Tij: “Përkushtoja Perëndisë gjithçka që bën dhe planet e tua do të realizohen” (Fjalë të Urta 16:3).

Beso në udhëheqësinë e Perëndisë. Shpesh puna jonë është komplekse dhe ofron disa alternativa për ta kryer atë. Cila është më e mira prej tyre dhe që të merr më pak kohë? Mbase ju nuk e dini, por Bibla thotë se këtë e di Perëndia. “Njeriu e programon rrugën në zemrën e tij, por hapat që hedh i pëcakton Zoti” (Fjalë të Urta 16:9).

Lutu për urtësi e mënçuri. Dijenitë dhe aftësitë janë, padyshim, vlera të rëndësishme, por shpesh urtësia e mënçuria duhet t’iu paraprijnë atyre sepse rezultatet e punës dalin më të mira. “Por në qoftë se ndonjërit nga ju i mungon urtia, le ta kërkojë nga Perëndia, që ua jep të gjithëve pa kursim, pa qortuar, dhe atij do t’i jepet” (Jakobit 1:5).

Robert J. Tamasy është nënpresident për Komunikimin i Leaders Legacy, Inc., një shoqatë jo fitimprurëse me bazë në Atlanta, Georgia, U.S.A. Veteran në gazetarinë profesioniste prej 40 vjetesh, ai është autor i “Tufting Legacies (iUniverse)”; “Business At Its Best: Timeless Wisdom from Proverbs for Today’s Workplace” (River City Press) dhe është bashkëautor me David A. Stoddard në veprën “The Heart of Mentoring: 10 Proven Principles for Developing People to Their Fullest Potential” (NavPress). Për më shumë informacion shiko www.leaderslegacy.com ose blogun e tij, www.bobtamasy.blogspot.com.

CBMC INTERNATIONAL: President: Jim Firnstahl,

1065 N. 115^th Street, Suite 210 ▪ Omaha, Nebraska 68154 ▪ U.S.A.

TEL.: (402) 431-0002 ▪ FAX: (402) 431-1749 ▪ E-MAIL: info@cbmcint.org

Ju lutemi adresoni çdo kërkesë te: www.cbmcint.org

Reflektim/Diskutim Pyetje

Kur ndjehesh jo produktiv në punë, a e ke gjetur shkakun kryesor? Cili është?
A gjen ndonjë diçka nga vetja në historinë e punëtorit që nuk kishte kohë për të mprehur sharrën? Shpjegoje përgjigjen.
Në kushtet e punës tënde, çfarë kuptimi specifik merr shprehja ‘të mprehësh sharrën?
Cilat parime të Biblës, të përmenduara në këtë Manna, të shërbejnë më tepër ty personalisht?

SHËNIM: Në Bibël ka edhe pasazhe të tjerë që lidhen me këtë temë. Ja disa:

Fjalë të Urta 11:14, 15:22, 19:20, 20:13, 22:29, 24:30-34; Predikuesit 9:10-11: Kolosjanëve 3:17,23

BUJARIA DHE MOTIVET PAS SAJ

noreply@blogger.com (ardi kule) — Mon, 07 May 2012 07:36:00 +0000

MANNA E SË HËNËS
7 Maj, 2012

Nga Rick Boxx

Libri i Seth Godin, Linchpin (Elementi thelbësor), përmban edhe një kapitull të mrekullueshëm mbi bujarinë në sfondin e historisë biblike. Ky promovues i shkëlqyer i psikologjisë së tregut jep një këndvështrim të ndryshëm mbi “dhënien”. Ai i nxit liderat që të jenë bujarë, jo me paratë e tyre, por me talentet e tyre.

Ai i ndan njerëzit në tri kategori. Në te parën hyjnë ata që kanë dëshirë vetëm të marrin. Në të dytën hyjnë ata që janë bujarë, por kërkojnë shpërblim për atë që japin. Njerëzit e kategorisë së tretë janë njerëz bujarë, si të thuash, pa kushte. Bujaria e tyre nxitet nga dashuria dhe dëshira që tjetri të ndihet mirë.

Duke reflektuar mbi këto mendime të Godin-it ,kuptova se sa e lehtë është që të klasifikohesh në kategorinë e dytë, pra që të shërbejmë me talentet dhe aftësitë tona duke menduar për të marrë një shpërblim të caktuar.

Ja pse Bibla merret gjërësisht më “pse-të” e veprimeve tona përfshi këtu edhe veprimet me karakter mirëbërësie. Fjala e Urtë 16:2 thotë: "Te gjitha udhet e njeriut jane te pastra ne syte e tij, por motivet i peshon Zoti"

Një pasazh tjetër i Biblës ve në dukje se ne edhe mund të gënjehemi nga sjelljet e jashtëme, por Perëndia e di se çfarë ndodh në brendësi: “…Zoti nuk shikon si shikon njeriu; njeriu shikon pamjen e jashtëme, kurse zoti shikon zemrën” (1 Samuelit 16:7).

Janë të paktë ata që mund të krahasohen me standartet e larta të “dhënies” vendosur prej industrialistit dhe shpikësit R.G. LeTourneau. Prej vitit 1920 deri më 1960, ai zhvilloi dhe hodhi në treg të parin mjet për lëvizjen massive të dherave. Zoti LeTourneau u quajt “Dekani i lëvizjes së dherave” dhe konsiderohet si shpikësi më i famshëm i makinerive më të mëdha që janë në gjendje të transformojnë pejsazhet natyrore. Sa më shumë zhvillohej biznesi i tij, aq më shumë i rritej bujaria. I jepte gëzim të pamasë përdorimi i talenteve të veta për t’u ardhur në ndihmë të tjerëve.

Për vite me radhë Z. LeTourneau vuri në zbatim atë që mund të quhej edhe “e kundërta e dhjetarit”: ai i dhuronte kishës 90 përqind të fitimeve dhe mbante për vete 10 përqind, në vend që të bënte të kundërtën sikundër vepronte normalisht çdo “dhjetar” biblik. Me gëzim ai shikonte se si miliona dollarë transferoheshin nga fitimet e tij drejt e në arkat e bamirësive, të cilat ishin të shumta e të ndryshme dhe plotësonin nevoja fizike e shpirtërore të njerëzve.

Vargu 2 Korintasve 8:7 na mëson: " Ashtu sikurse ju shkëlqeni në çdo gjë, në besim, në fjalosje, në dituri në përkushtimin e plotë dhe në dashurinë ndaj nesh – përpiquni të shkëlqeni edhe në hirin e të dhënit." Shumë vetë mund të mos kenë dëgjuar për aspektin e bamirësisë të Z. LeTourneau, por e kanë njohur atë vetëm si industrialist dhe shpikës. Megjithatë, edhe pasi ai vdiq në vitin 1969, shumë njerëz vazhduan të përfitojnë nga bujaria e Z. LeTourneau. Janë të shumta organizatat dhe institucionet që e vazhdojnë edhe sot e kësaj dite punën e tij të dobishme. Kjo ishte vlera më e madhe e trashëgimisë së tij dhe jo makineritë që prodhoi.

Po ju drejtoj disa pyetje të rëndësishme:

A i keni shqyrtuar kohët e fundit motivimet tuaja në jetë? Edhe nëse jeni bujarë me talentet dhe me paratë tuaja, a jeni i sigurt se dhuroni për motive të drejta?
Për çfarë do t’ju kujtojnë njerëzit kur të mos jeni më?

Copyright 2010, Integrity Resource Center, Inc. Adaptuar me lejen e "Integrity Moments with Rick Boxx," komente mbi cështje të integritetit moral në biznes nga këndvështrimi i krishterë. Për të mësuar më shumë mbi Integrity Resource Center ose për t’u rregjistruar tek shërbesa e përditshme e Rick-ut “Integrity Moments”, vizito www.integrityresource.org. Libri i tij me titull “Si të rritësh biznesin pa sakrifikuar integritetin” është një qasje me frymë biblike ndaj të bërit biznes sipas moralit të krishterë.

CBMC INTERNATIONAL: President: Jim Firnstahl.
1065 N. 115^th Street, Suite 210 ▪ Omaha, Nebraska 68154 ▪ U.S.A.
TEL.: (402) 431-0002 ▪ FAX: (402) 431-1749 ▪ E-MAIL: info@cbmcint.org
Për çdo pyetje drejtohuni tek: www.cbmcint.org

Reflektim/Diskutime Pyetje

Në bazë të tri kategorive që përmenden më sipër, në cilën prej tyre e fusni veten tuaj? Shpjegoje përgjigjen
A pajtohesh me mendimin se motivet qe fshihen pas “dhënies” kanë rëndësi? Pse, ose pse jo?
Çfarë ndikimi – në rast se egziston ndonjë i tillë – ka te ty fakti që ti e di se Perëndia i “peshon motivet” dhe “sheh brenda zemrës tënde” kur vlerëson gjërat që thua e bën, përfshi veprimet e mirëbërësisë?
Një nga pasazhet e kësaj “Manna” i nxit pasuesit e Jezusit që të shkëlqejnë në hirin e të dhënit. Si do t’ja shpegoje dikujt kuptimin e këtij pasazhi në teori dhe në praktikë?

SHËNIM: Po ta kesh Biblën dhe kërkon të dish më shumë për këtë temë, shiko edhe pasazhet si më poshtë:

Fjalë të Urta 11:24-25, 18:16, 19:6, 25:14; Mateu 6:19-24; 1 Korintasve 9:9-12; 2 Korintasve 9:6-14

SI TË PËRBALLESH ME NJË FATKEQËSI

noreply@blogger.com (ardi kule) — Sun, 29 Apr 2012 13:27:00 +0000

MANNA E SË HËNËS
30 Prill, 2012

Nga Dr. Rick Warren

Dikur një grua fitoi një shumë të madhe në llotarine shtetërore. Sapo mësoi lajmin, ajo mori në telefon burrin me të cilin bashkëjetonte dhe i tha: Fitova llotarinë! Fillo të bësh gati plaçkat!” Ai iu përgjegj. “Fantastike! Të mbledh plaçkat e dimrit apo të beharit?” Ajo vazhdoi ftohtë: Mblidh ç’të duash, rëndësi ka që, kur të kthehem në shtëpi, të mos të të gjej aty!”

Burri shkretë u bë keq. Dhe kjo është mënyra se si vijën të gjitha fatkeqësitë – krejt papritur – dhe të gjejnë krejt të papërgatitur. Duam s’duam, fatkeqësitë e papritura janë pjesë e jetës. Dhe ky është momenti kur përjeton një nga këto tre faza: ose sapo ke dalë nga një fatkeqësi e mëparshme, ose je në fatkeqësi aktuale ose po shkonje drejt saj.

Në Testamentin e Ri të Biblës (Veprat 27) tregohet historia e atyre që iu mbyt e anija, prej së cilës nxirren tre konkluzione të vlefshme për çdo kohë për menaxhimin e krizës që mund të pllakosë biznesin tënd:

GJEJ ARËSYEN. Pyete veten, “ku qëndrojnë arësyet e kësaj krize?” Në rastin e atyreve që iu mbyt anija, treguar nga apostulli Pal në librin e Veprave, jepen tre arësye: (1) Ata patën këshillim të keq; (2) ata dëgjuan se ç’thoshin të tjerët, dhe (3) ata ia besuan veten fatit më shumë se sa të menduarit se ç’duhej të bënin. Në rast se ke vështirësi në përcaktimin e arësyes së një krize, provo të lutesh. Mbreti David i Izraelit ka shkruar” "U mundova ta zgjidh vetë këtë problem, por qe e vështirë derisa shkova në Tempullin tënd" (Psalme 18:6).

PËRCAKTO PASOJAT. Bëji vetes pyetjen “Çfarë mësimi mund të nxjerr nga kjo që më ndodhi?” Çdo krizë është edhe një mundësi për të shikuar më tej, për të mprehur mendimin dhe për të përmirësuar karakterin.

FORMULO PËRGJIGJEN TËNDE. Pyete veten: "Cila është mënyra më e mirë për t’iu përgjigjur kësaj krize?” Pavarësisht nga puna që bën, përgjigja jote duhet të përmbajë tre elementë:

· Përballu me problemin. Vështirë se mund ta zgjidhësh problemin duke e injoruar atë. Mund të mos jetë e lehtë, por Perëndia është me ty po t’i kërkosh që të të bëjë të fortë.

· Prano gabimet e tua (në rast se ke). Në rast se je vetë shkaktar i krizës që po përjeton, pranoje këtë fakt dhe kërko falje. Mos bëj justifikime të kota dhe mos ia u hidh fajin të tjerëve. Të pranosh përgjegjësinë është shenjë e qartë e pjekurisë emocionale.

· Kërko përmbushjen e njërit prej premtimeve të Perendise. A e di se në Bibël ndodhen më shumë se 7,000 premtime të Perëndisë për ndihmë ndaj teje? Ato janë si kuadratet bosh, të cilat duhet t’i mbushësh ti. Çfarë pret? Në rast se nuk e njeh mirë Biblën, kërko ndihmën e ndonjërit që e njeh mirë atë, që të gjeni aty ndihmën e Perëndisë sipas hallit që ke.

Një premtim të tillë Perëndia e bën te Filipianëve 4:6-7, ku na thotë, “Mos u shqetësoni për asgjë, por në çdo gjë ia parashtroni kërkesat tuaja Perëndisë me anë lutjesh dhe përgjërimesh, me falenderime. Dhe paqja e Perëndisë, që ia tejkalon çdo urtësie, do të ruajë zemrat tuaja dhe mëndjet tuaja në Krishtin Jezus.”

© 2010, Purpose Driven Life. Të gjitha të drejtat të rezervuara. Adaptuar nga një shkrim i Dr. Rick Warren, autor i shumë librave, përfshirë edhe të shumëvleresuarin “The Purpose-Driven Life”, i cili është përkthyer në disa gjuhë dhe është shitur në mbarë botën. Ky libër afirmon rëndësinë e të pasurit të një qëllimi të qartë në jetën e përditëshme. Është nominuar si një ndër 100 librat e krishterë që ndryshuan shekullin e XX. Ai ka shkruar gjithashtu edhe librat “The Purpose-Driven Church” dhe “The Purpose of Christmas”.

CBMC INTERNATIONAL: President: Jim Firnstahl,
1065 N. 115^th Street, Suite 210 ▪ Omaha, Nebraska 68154 ▪ U.S.A.
TEL.: (402) 431-0002 ▪ FAX: (402) 431-1749 ▪ E-MAIL: info@cbmcint.org
Për pyetje ose kërkesa drejtohuni te : www.cbmcint.org

Reflektim/Pyetje Diskutime

Në cilën prej tre fazave të krizës ndodhesh: 1) Sapo ke dalë prej një krize; 2) Je në krizë aktualisht apo 3) ndoshta po shkon drejt një krize? Si reagon në momentet kur shfaqet kriza?
Ç’të mirë ka, sipas teje, që të identifikosh arësyet që kanë sjellë krizën tënde? Si ndihmon kjo në përballjen e problemit?
Është e lehtë që të përcaktosh dëmet që të ka shkatuar një krizë, por si mund të nxjerrësh ndonjë përfitim të paktën duke nxjerrë disa mësime prej saj?
A të jep qetësi shpirtërore fakti që tashmë e di se në Bibël na ofrohen mijra premtime ndihme nga Perëndia në kohë krize? Pse, ose pse jo?

SHËNIM: Po të kesh një Bibël, mund te lexosh edhe pasazhe të tjerë që lidhen me këtë temë:

Psalme 20:1-5, 23:1-6, 37:3-7; Fjalë të Urta 3:5-6, 16:2-3,9; Jeremia 33:3; Mateu 6:25-34

TË KRIJOSH MJEDISIN IDEAL PËR PUNONJËSIT

noreply@blogger.com (ardi kule) — Sun, 22 Apr 2012 07:46:00 +0000

MANNA E SË HËNËS
23 Prill, 2012

Nga Robert J. Tamasy

Në ndërmarrjet prodhuese përdoret një term që quhet “ergonomí” dhe që është “studimi i marrëdhënieve midis punonjësve dhe mjedisit të punës”, dhe, në mënyrë të veçantë, i marrëdhënieve midis punonjësve dhe veglave e maqinerive që ata përdorin. Në këtë studim shqyrtohet gjithçka, që nga zhurmat e mjedisit e deri te komoditeti i ndejtjes para kompjuterave.

Këto lloj studimesh kanë rëndësinë e tyre, por meriton vëmëndje edhe një tip tjetër “mjedisi” – ai ku punonjësit mund të shprehin në maksimum talentet, dhuntitë, përvojat dhe pasionet e tyre.

Kur isha botues i një gazete lokale, kishim një kolege pune që i ngjante personazhit të historisë së njohur me gozhdën e rrumbullaket që deshte të hynte në një vrimë katrore. Po e quaj Meri. Kolektivi ynë ishte i vogël në numër, kështu që secili kryente disa detyra . Meri merrej me artikujt për problemet shoqërore dhe ato të grave. Provoi të shkruante për sportet. Ishte punonjëse e zellshme, por nuk e kishte me qejf këtë punë.

Dikur m’u desh të largoja nga puna fotografin dhe e pyeta Merin nëse donte që ta provonte edhe këtë sektor. Duhej të bënte fotografi në vende e situata të ndryshme. Merit iu ndez fytyra si llampë 1000 vatëshe. E gjeti punën që e kishte me pasion.

Mbetëm me Merin si fotografe për një kohë të gjatë deri sa i gjetëm një vend pune ku vërtet mund të lulëzonte. Ajo u bë nëpunëse. U desh shumë kohë por më në fund zbuluam se ku ajo mund t’i shërbente më mirë grupit tonë. Për mua ishte shumë shpërblyes fakti qe e shihja atë të kënaqur me detyrat që kryente.

Një nga përgjegjësitë kryesore të një drejtuesi është që t’u mundësojë punonjësve që të gjejnë “mjedisin” e tyre, atë zonë të interesave dhe aftësive në të cilën ata të mund të sjkëlqejnë. Motua e vjetër e ushtrisë amerikane ka qenë: “Ji tërësisht ai që mund të jesh!” Edhe Bibla afirmon rëndësinë e kësaj përgjegjësie të drejtuesve:

Secili prej nesh është i veçantë dhe ka talentet e veta. Nuk ka dy individë të ngjashëm plotësisht, jo vetëm nga pikëpamja fizike, por edhe nga ajo e interesave, aftësive dhe pasioneve.. “Unë do të të përlëvdoj sepse jam krijuar në mënyrë të mrekullishme” (Psalmet 139:14).

Kemi të gjithë nga një qëllim për të përmbushur. Bibla na thotë se Perëndia ka përcaktuar nga një qëllim për secilin dhe, ata që janë lidera, duhet të ndihmojnë që ta gjejmë këtë qëllim dhe ta përmbushim. “Para se unë të të formoja në barkun e nënës sate, të kam njohur; para se të dilje nga barku i saj, të kam shenjtëruar” (Jeremia 1:5).

Liderat dhe drejtuesit më të zotë arrijnë të nxjerrin maksimumin nga aftësitë e punonjësve të tyre. Jezusi ka folur për “parabolën e talenteve”, në të cilën një pronar i vuri në provë shërbëtorët e tij për aftësitë që ata kishin në menaxhimin e pasurive të tij. Në mënyrë të ngjashme, liderat janë përgjegjës jo vetëm për pronën e pasurinë, por edhe për përdorimin efikas të burimeve njerëzore që zotërojnë. “...’Të lumtë, shërbëtor i mirë dhe besnik; ti u tregove besnik në gjëra të vogla, unë do të ngarkoj me shumë gjëra...” (Mateu 25:21).

Liderat e zotë e kanë prioritet kujdesin për punonjëit e tyre. Në rast se punonjësit nuk japin rezultat në punë, duhet të bëjmë pyetjen pse. Ndoshta presim që ata të jene “gozhda katrore që ne duam t’i fusim në vrima të rrumbullakta!” “Përpiqu të njohësh mirë delet e tua, kujdesu për kopetë e tua” (Fjalë të Urta 27:23).

Reflektim/Diskutim Pyetje

1. Ç’mund të thuash për “mjedisin” tënd – a mendon se je vënë në rolin e atij që i ndihmon të tjerët për të shprehur tërësisht talentet dhe aftësitë?

2. Pse shpesh njerëzit mendojnë se bëjnë punëra që nuk u përshtaten aftësive të tyre? Pse vazhdojnë t’i bëjnë ato punëra edhe kur e kuptojnë se nuk iu përshtaten?

3. A pajtohesh me thënien biblike se Perëndia e ka krijuar të veçantë secilin prej nesh, përfshi këtu edhe aftësitë për punë të caktuara? Pse, ose pse jo?

4. Si mund ta njohin drejtuesit “gjëndjen e kopeve të tyre” në kuptimin që t’i japin gjithsecilit mundësitë që të lulëzojë në punën e vet?

SHËNIM: Po ta kesh Biblën dhe kërkon të dish më shumë për këtë temë, shiko pasazhet që vijojnë:

Eksodi 35:30-35; Fjalë të Urta 22:29; Efesianëve 2:10; Kolosianëve 3:17,23-24; 2 Timoteut 3:17

VLERA E TË PASURIT INICIATIVË

noreply@blogger.com (ardi kule) — Mon, 16 Apr 2012 08:10:00 +0000

MANNA E SË HËNËS
16 Prill, 2012

Nga Jim Mathis

Po të nisem nga thënia se “variacioni është kripa e jetës”, mund të them se jeta ime ka qene mjaft e “kripur”. Fundjava e kaluar ishte nje ilustrim shumë i mirë i kësaj. Të shtunën mbasdite u bëra foto punonjësve të një firme juridike. Që aty shkova te qendra kulturore për të fotografuar disa stenda ekspozitash. U ktheva në shtëpi, sistemova pajisjet dhe, menjëherë, u nisa për te bari ku luaj muzikë me grupin tim, Sky Blue.

Të nesërmen në mëngjes, kisha, ku bëj pjesë, festonte 50 vjetorin e krijimit të saj. Këndova në kor dhe bëra fotografi. Pastaj shkova në një koncert me improvizime muzikore, organizuar nga shoqata Heartland Steel Guitar ku unë jam edhe anëtar themelues. Në mbrëmje, bashkë me time shoqe shkuam në një koncert te Qendra e Arteve Kauffman ku punojmë si vullnetarë.

Jo shumë kohë më pare, një shok më kërkoi mendim në lidhje me gjetjen e një pune tjetër, më të përshtatëshme për të. Me thënë të drejtën, nuk mendoja se mund t’i vija dot në ndihmë, sepse asnjëherë s’më është dhënë rasti të kërkoj punë dhe nuk di as se si kërkohet. Kjo ka ndodhur për shkak se gjithmonë kam bërë atë çka kam dashur, duke u nisur nga parimi se, në qoftë se je i aftë të bësh punë të mira, dikush do gjëndet që të të paguajë për to. E rëndësishme është që t’i bësh me qejf.

Aktualisht e siguroj jetesën duke punuar si fotograf. Kam vënë re se, kur nuk fitoj aq sa duhet, kjo ndodh për shkak se fotografitë e mia ose nuk kanë qenë cilësore, ose se nuk ia kam treguar ato mjaftueshëm njerëzve të interesuar. Kjo është arësyeja që unë gjithmonë studjoj për t’u përsosur si fotograf dhe përpiqem të zgjeroj kontaktet me njerëz.

Disa të ardhura i nxjerr edhe nga kocertet muzikore që jap si dhe nga shitja e librave që i shkruaj vetë. Në të dyja rastet ka vend për më mirë e më shumë. Duhet të përsosem akoma si muzikant, si kompozitor dhe si shkrimtar.

Te Lluka 16:10-12 përshkruhet një parim bazë i biznesit:“Kujt mund t’i besohen gjëra të vogla, mund t’i besohen edhe të mëdhatë, dhe kush është i pandershëm në të voglat, është i tillë edhe në të mëdhatë. Pra, në qoftë se nuk keni qenë i besueshëm në pasuritë tokësore, kush do t’ju besojë pasuritë e vërteta? Dhe në qoftë se nuk ke qenë i besueshëm në pronën e tjetrit, kush do të japë ty pronën tënde?

Me fjalë të tjera, në qoftë se bën më të mirën me ato që ke, do të të jepet mundësia për më shumë.

Vite më pare, këtë parim e provova në parktikë. Desha një makinë të mire, por nuk kisha para që ta bleja, kështu që gjeta një makinë të lirë. Nuk e keqtrajtoja, por u kujdesa për të si të ishte makina më e mirë në botë. E laja dhe luçidoja çdo fundjavë dhe bëra gjithçka që të dukej vërtet fringo. Një ditë më ndaloi një tregtar makinash duke më thënë se më kishte parë që ngisja atë farë makine dhe se deshte të dinte nëse e shisja. Pranova t’ ia shes dhe, me paratë që mora, bleva makinën “e mirë” që kisha ëndërruar. Kujdesi që tregova për makinën e vjetër m’u shpërblye. U bëra me makinë të re.

Parimi - i të qenit i besueshëm me atë çka ke, të bën të besueshëm edhe për përgjegjësira më të mëdha - është i zbatueshëm thuajse në çdo fushë të jetës.

Kështu, këshilla ime për mikun që ishte në kërkim të një pune të mirë, ishte e thjeshtë: Nëse dua punë më të mirë, sigurisht që do ta gjej. Kaq di unë!

Jim Mathis është pronar i një studioje fotografike në Overland Park, Kansas, të specializuar për profile teatrore dhe tregëtare dhe drejton një shkollë për fotografi dixhitale. Më parë ai ka qenë menaxher i një kafeneje dhe drejtor ekzekutiv i CBMC në Kansas City, Kansas dhe Missouri.

CBMC INTERNATIONAL: President: Jim Firnstahl

1065 N. 115^th Street, Suite 210 ▪ Omaha, Nebraska 68154 ▪ U.S.A.
TEL.: (402) 431-0002 ▪ FAX: (402) 431-1749 ▪ E-MAIL: info@cbmcint.org
Ju lutemi adresoni çdo kërkesë te: www.cbmcint.org

Reflektim/Diskutim Pyetje

A pajtohesh me mendimin e Z. Mathis se, po qe i zoti në diçka, dikush do gjëndet që ta vlerësojë e ta paguajë punën tënde? Ke ndonjë përvojë në këtë drejtim?
A të pëlqen puna që bën? Pse, ose pse jo?
Çfarë mendon për këshillën se, që të gjesh një punë më të mirë, duhet të bësh mirë punën që ke?
Vargjet e cituara nga Bibla tregojnë se egziston një mardhënie shkak-pasojë brenda faktit që dikush që është i besueshëm në detyra me pak përgjegjësi, mund t’i ngarkohen edhe përgjegjësi më të mëdha. Cili është mendimi yt?

Po ishe i interesuar për të parë dhe diskutuar pjesë të tjera në Bibël që lidhen me këtë temë, mund të shohësh te:

Fjalë të Urta 12:24, 12:27, 13:4, 13:11, 18:9, 21:5, 22:29, 27:18; Kolosjanëve 3:23-24

PËRSE PUNON?

noreply@blogger.com (ardi kule) — Mon, 09 Apr 2012 10:02:00 +0000

MANNA E SË HËNËS
9 Prill, 2012

Nga Robert J. Tamasy

Njerëzit punojnë për një sërë arësyesh. Arësyeja më kryesore është sigurimi i jetesës – ushqimi, strehimi, pagimi i detyrimeve financiare dhe argëtimi. Për t’i rënë shkurt, mund të themi se puna është një objekt ku ne investojmë kohën tonë derisa kemi mundësi të punojmë.

Puna na krijon edhe ndjesinë e vlerësimit të vetes, satisfaksionin që vjen prej faktit se jemi të aftë që të bëjmë diçka të vlefshme, sidomos kur rezultatet e asaj që bëjmë janë unike. Në rast se punën e bën me kënaqësi, ti bën pjesë në grupin e atyre të paktëve që quhen fatlumë. Por, a je nisur ndonjëherë në punë me shpresën se do të gjesh mirënjohje, se do të shpërblehesh me gradime e çmime që do të tregojnë publikisht se ti je më i miri në profesionin tënd?

Kur botoja një gazetë, merrja pjesë në mbledhjet vjetore të botuesve. Çdo vit, i kushtohej një mbrëmje dhënies së çmimeve. Revista, gazetarë dhe botues vlerësoheshin sipas kategorive të ndryshme. Në një rast ndodhi që revista jonë mori një çmim. Kjo i kënaqi të gjithë. Por a ke menduar ndonjëherë se sa kalimtare e të përkohshme janë këto lloj kënaqësish, madje edhe kur vinë nga konkurset më prestigjioze?

Për shembull: A je në gjëndje të thuash emrat e lojtarëve që u përcaktuan si Më Të Mirët në pesë superkampionatet e fundit të boulingut? Po emrat e skuadrave që kanë qenë fituese në pesë kampinatet e fundit botërore? A mund t’i kujtosh emrat e atyre femrave që u përzgjodhën për të përfaqësuar vendin tënd në pesë konkurset e fundit të Miss-it Botëror? Çfarë mund të thuash për pesë fituesit e fundit të çmimit Nobel në ekonomi, shkencë etj? Cilat janë pesë filmat që u nominuan për çmimin “Academy Award” të vitit të kaluar?

Mund të sjellim edhe plot shembuj të tjerë. Fakt është se na pëlqen të vlerësohemi. Vlerësimi na afirmon, duke na bërë të ndjehemi njerëz me domethënie. Por vlerësimet dhe çmimet kalojnë shpejt dhe harrohen; duartrokitjet zbehet, ndjesitë e suksesit zhduken dhe vëmëndja e opinionit drejtohet gjithmonë te “yjet” më të rinj. Në lidhje më këtë, Mbreti Solomon, shkruesi i librit Predikuesi, që ndodhet në Testamentin e Vjetër, thotë: “…sepse të gjitha janë kotësi dhe përpjekje për të kapur erën.” (Predikuesi 2:17).

A mos do të thotë kjo se përpjekjet për vetërealizim dhe për arritjen e më të mirës janë kohë dhe energji të çuara dëm? Bibla na thotë se në këtë mes nuk gjykohen përpjekjet, por motivet që na shtyjnë t’i bëjmë ato?

Të veprosh me përkushtim vetwm ndaj Njërit: Njerëzit, edhe ata më të afërtit, nuk kanë të njëjtat mendime. Nuk mund t’i kënaqësh të gjithë vazhdimisht, prandaj në mendjen tonë duhet të zgjedhim dikë që duhet ta kënaqim me punën dhe përpjekjet tona “Çfarëdo që bën, bëje me gjithë zemër, sikundër e bën për Zotin dhe jo për njerëzit… Ju i shërbeni Zotit Krisht” (Kolosjanëve 3:23-24).

Të marrësh lëvdimin e Zotit. Në botën reale ndodh që, nganjëherë, edhe puna jonë më e mirë kalon pa u vënë re nga të tjerët. Bibla na siguron se Perëndia e vëzhgon me imtësi gjithçka që bëjmë për Të dhe mezi pret që të na shpërblejë për shërbimin e përkushtuar. “Dhe i zoti i tha, ‘Të lumtë, shërbëtor i mirë dhe besnik! Ti u tregove besnik në gjëra të vogla, unë do të ngarkoj ty me shumë gjëra…” (Mateu 25:21,23).

Të fitosh mirënjohje që i reziston kohës. Problemi me çmimet dhe nderimet është se, me kalimin e kohës, ato veniten, por mirënjohja e Perëndisë nuk zbehet dhe nuk e humbet kurrë vlerën fillestare. “Dhe kur të shfaqet Kryebariu, do të merrni kurorën e lavdisë që nuk fishket” (1 Pjetrit 5:4).

CBMC INTERNATIONAL: President: Jim Firnstahl,

1065 N. 115^th Street, Suite 210 ▪ Omaha, Nebraska 68154 ▪ U.S.A.
TEL.: (402) 431-0002 ▪ FAX: (402) 431-1749 ▪ E-MAIL: info@cbmcint.org
Ju lutemi adresoni çdo kërkesë te: www.cbmcint.org

Reflektim/Diskutim Pyetje

Përshkruaj arësyet kryesore se pse shkon në punë çdo ditë. A kanë ndryshuar ato me kalimin e kohës?
A ka qenë një nga arësyet dëshira për të fituar vlerësim nga superiorët dhe kolegët? Shpjegoje përgjigjen.
Pse mendon se jetëgjatësia e një vlerësimi është gjithmonë e shkurtër? Si ndikon kjo në nevojën tënde për vlerësim dhe mirënjohje?
Çfarë mendon për idenë se duhen bërë përpjekje që, në radhë të parë të kënaqësh Perëndinë dhe të arrish të marrësh shpërblimet e Tij?

SHËNIM: Po ta kesh Biblën, shiko edhe pasazhet e mëposhtëm që lidhen me këtë temë:

Predikuesit 2:24-26; Mateu 6:19-21; 1 Korintasve 3:6-9; Filipjanëve 4:19; Kolosjanëve 3:17

TË PËRFITOSH NGA MIRËSIA E PERËNDISË

noreply@blogger.com (ardi kule) — Mon, 02 Apr 2012 08:21:00 +0000

MANNA E SË HËNËS
1 Prill, 2012

Nga Rick Boxx

Biznesi i mikut tim Larry përbëhet nga një industri, e cila thuajse u shpartallua nga krizat ekonomike të viteve të fundit. Në fillim të dhjetorit 2010 humbja vjetore rezultoi në 40 mijë dollarë.

I cfilitur e i dërmuar, Larry mblodhi bordin drejtues dhe u kërkoi antarëve të tij që t’i kushtonin më shumë kohë lutjeve. Meqenëse ishin të gjithë të një besimi, ata ranë dakord. Ata e dinin se ku ishin problemet kryesore e, megjithatë, rezultatet e përpjekjeve nuk po dukeshin aspak optimiste. Kishte ardhur koha t’i drejtoheshin Perëndisë për mençuri, drejtim dhe ndihmë.

Larry nuk paraqiti ndonjë model lutjeje të menduar që më parë. Thjesht e me zemër në dorë ai u lut kështu: “O Zot, 1 dollar – a mund të bësh që këtë vit të kemi vetëm 1 dollar fitim? Kemi nevojë për ndihmën Tënde.” Nuk kaloi veçse një muaj dhe Larry me njerëzit e tij e përjetuan ndihmën e Zotit. Kur bënë bilancin financiar të atij muaji, panë se fitimi ishte 21 dollarë, shumë më tepër se një dollarëshi që pati kërkuar me përulësi Larry. Dhe gjithçka ndodhi në atë mënyrë që vetëm Zoti mund ta dijë.

Kur ka qenë hera e fundit që je lutur për çështje të biznesit apo të punës tënde? Shpesh i drejtohemi lutjes ashtu siç i drejtohen të mbyturit gomës së shpëtimit, atëhere kur çdo mundësi tjetër “ka marrë fund”. Sikundër e kam vërtetuar në praktikë, duke parë ngjarjet jetësore të shumë njerëzve, Perëndia të gjëndet pranë në të tilla raste, por ne nuk duhet të presim rastet e fatkeqësive ekstreme për t’iu lutur Atij.

Ja si thotë për për Perëndinë, Davidi, mbreti i Izraelit, te Psalmi 145:6-7: “Njerëzit do të flasin për fuqinë e veprave të tua mahnitëse dhe unë do të tregoj për madhështinë tënde. Me zell ata do të shpallin kujtimin e mirësisë tënde të pamatë dhe me gëzim do të brohorasin mirësinë tënde."

Diku tjetër, te Testamenti i Vjetër i Biblës, Perëndia bën një premtim të guximshëm duke iu kërkuar besimtarëve që të mbështeten te Ai, si në fushën personale ashtu edhe në atë profesionale: “M’u drejto dhe unë do të të përgjigjem dhe do të të bëj me dije për gjëra të mëdha e të fuqishme që ti nuk i di” (Jeremia 33:3). Ndërsa në Testamentin e Ri, megjithëse kanë kaluar shekuj, Perëndia na siguron se Ai nuk ka ndryshuar aspak në premtimin e Tij dhe se: “sipas fuqisë së Tij që vepron brenda nesh, Ai mund të bëjë jashtë mase më tepër nga sa kërkojmë ose mendojmë” (Efesianëve 3:20).

Kur, atë ditë, Larry dhe kolegët e tij iu drejtuan Perëndisë me përulësi, ata e bën këtë thjesht dhe me besim të plotë, pa ditur se në ç’mënyrë Perëndia do t’ju përgjigjej lutjeve të tyre. Që atëhere Larry nuk pushon së foluri për mirësinë e Zotit.

Kur drejtuesat e bizneseve thurin plane dhe përcaktojnë strategjira, ata kanë kryesisht në mendje gjëra të tilla si burimet materiale e njerëzore, kulifikimet, pajisjet, kapitalet, kreditë, klientët etj. Shumë të rrallë janë ata që marrin parasysh burimin më kryesor: mirësinë, besnikërinë dashurinë dhe hirin e Perëndisë, i cili ka dëshirë t’i kërkohet që ta bëjmë pjesë integrale të jetës dhe punës sonë të përditëshme.

Larry-t dhe bordit të tij iu dëshmua se Perëndia ishte vërtet pranë tyre. Perëndia i dëgjon lutjet tona dhe përpiqet të na tregojë se çfarë është në gjëndje të bëjë për ne, sidomos kur na janë prerë shpresat në drejtime të tjera. Cilat janë nevojat dhe hallet e tua sot? Mos ndoshta duhet t’ja paraqesësh Perëndisë nëpërmjet lutjes?

Copyright 2010, Integrity Resource Center, Inc. Adaptuar me lejen e "Integrity Moments with Rick Boxx," komente mbi cështje të integritetit moral në biznes nga këndvështrimi i krishterë. Për të mësuar më shumë mbi Integrity Resource Center ose për t’u rregjistruar tek shërbesa e përditshme e Rick-ut “Integrity Moments”, vizito www.integrityresource.org. Libri i tij me titull “Si të rritësh biznesin pa sakrifikuar integritetin” është një qasje me frymë biblike ndaj të bërit biznes sipas moralit të krishterë.

CBMC INTERNATIONAL: President: Jim Firnstahl.

1065 N. 115^th Street, Suite 210 ▪ Omaha, Nebraska 68154 ▪ U.S.A.TEL.: (402) 431-0002 ▪ FAX: (402) 431-1749 ▪ E-MAIL: info@cbmcint.org Për çdo pyetje drejtohuni tek: www.cbmcint.org

Reflektim/Diskutime Pyetje

Kur ka qenë hera e fundit që je lutur për çështje të biznesit tënd ose për probleme të punës? A mund të shpjegosh nëse kuptove që lutjet e tua morën përgjigje dhe si?
A mendon se një drejtues biznesi duhet t’i bëjë thirrje stafit të vet të ngushtë që të luten sëbashku për nevoja të caktuara të ndërmarrjes? Pse, ose pse jo?
Cilët janë faktorët që nuk e bëjnë të mundur lutjen në një mjedis pune duke patur parasysh se disa nga punonjësit nuk janë të të njëjtit besim shpirtëror?
A të shërben ndonjëri prej pasazheve biblikë që janë cituar në këtë Manna të së Hënës për nevojat e tua për lutje për çështje të biznesit? Shpjegoje përgjigjen.

SHËNIM: Po të kesh një Bibël, mund të shohësh edhe pasazhe të tjerë që kanë lidhje me këtë temë. Për shembull:

Psalme 37:4-5; Fjalë të Urta 3:5-6, 16:2-4,9; Mateu 6:7; Philippians 4:6-7; 1 Thesalonikasve 5:17-18

TË MPOSHTËSH TIRANINË E FRIKËS

noreply@blogger.com (ardi kule) — Sun, 25 Mar 2012 11:19:00 +0000

MANNA E SË HËNËS
26 Mars, 2012

Nga Jim Lange

Në tryezën e rrumbullakët për lidershipin që unë drejtoj në zonën tonë, një prej pikave të diskutimit ishte frika dhe ndikimi i saj tek ne si lidera. Në boten e sotme janë të panumurt faktorët që shkaktojnë frikë: që nga pasiguria e vazhdueshme ekonomike e deri te ndryshimet e paparashikuara klimatike që sjellin fatkeqësira natyrore.

Diskutuam për faktin se egziston edhe një frikë pozitive – frika nga Zoti; ajo frikë që na pengon të rrëzohemi në humnerë; ajo frikë që na shtyn të kërkojmë strehë mbrojtëse gjatë një furtune me rrufe. Por ka edhe një frikë negative, e cila mund të ndikojë shumë keq te ne si në punë ashtu edhe në familje.

Frika negative mund ta ndryshojë ose ta frenojë vendimmarrjen tonë. Ajo mund të na pengojë veprimin dhe të na pakësojë aftësinë për të udhehequr me vendosmëri. Frika negative shkakton stres të panevojshëm, i cili na paralizon mendërisht dhe emocionalisht.

Prandaj Bibla na e përsërit vazhdimisht: “Mos ki frikë!” Ja disa shembuj që tregon se si frika ushtron një ndikim negativ te ne:

Frika të zëvëndëson besimin.

Frika të shkatërron ëndrrat.

Frika të grabit gëzimet dhe bekimet.

Frika t’i errëson fitoret.

Frika t’i zvjerdh kujtimet

Frika të ngurtëson për shkak të mungesës së besimit.

Në kuadrin e diskutimeve, anëtarët e grupit tonë përmendën vargje biblike që i konsiderojnë frymëzuese , mbasi ato nxisin për qetësi e gjakftohtësi në momente frike. Te Romakëve 12:2 thuhet:“transformohu duke rinovuar mendimin.” Në rast se ndjehesh i frikësuar, një nga mënyrat për të rinovuar mendimin është ajo nëpërmjet meditimit mbi Shkrimin e Shenjtë. Ja disa nga vargjet që u përmendën në atë takim:

Të përjetosh qetësinë e Zotit. “Shpirti im gjen prehje vetëm te Perëndia; shpëtimi im vjen prej Tij; Ai është kështjella ime, unë nuk do të tronditem kurrë”(Psalme 62:1-2).

Të besosh në planet e Zotit. “Dhe ne e dimë se të gjitha gjërat bashkëveprojnë për mirë për ata që duan Perëndinë, për ata që janë thirrur sipas qëllimit të tij”(Romakëve 8:28).

Të kesh besim në rrugën e Zotit.“Ki besim te Zoti me gjithë zemër dhe mos u mbështet në gjykimin tënd; pranoje në të gjitha rrugët e tua dhe ai do t’i bëjë të drejta të gjitha shtigjet e tua”(Fjalë të Urta 3:5-6).

Siguria te kujdesi i Zotit. “Por, para së gjithash, kërkoni mbretërinë e Perëndisë dhe drejtësinë e tij dhe të gjitha këto gjëra do t’ju shtohen”(Mateu 6:33).

Mbështetja në fuqinë e Zotit. “Mos ki frikë, sepse unë jam me ty, mos e humb toruan, sepse unë jam Perëndia yt. Unë te forcoj dhe të ndihmoj; unë do të të mbajë në dorën time të djathtë të drejtësisë. Sepse unë jam Zoti, Perëndia yt, që të ze nga dora e djathtë dhe të thotë: ‘Mos ki frikë, unë të ndihmoj’”(Isaia 41:10, 13).

Çlirohuni nga ankthi.“Mos u shqetësoni për asgjë, por në çdo gjë, ia parashtroni kërkesat tuaja Perëndisë me lutje e përgjërime, me falenderim. Dhe paqja e Perëndisë, që tejkalon çdo hamendësim, do të ruajë zemrat dhe mendjet tuaja në Krishtin Jezus” (Filipianëve 4:6-7).

Kurajo përballë fatkeqësisë.“A nuk të porosita unë? Ji i fortë dhe trim; mos u tremb e mos u thyej sepse Zoti, Perëndia yt, është me ty kudo që të shkosh” (Jozueu 1:9).

© 2012 nga Jim Lange. Jim është president seksioni te Truth@Work (www.christianroundtablegroups.com), njw shërbesë për njerëzit që punojnë. Ai shkruan rregullisht në blogun e tij www.5feet20.com, dhe është autori i librit Bleedership: Biblical First-Aid for Leaders. Ai dhe familja e tij jetojnë pranë Toledos, Ohio, U.S.A.

Reflektim/Diskutime Pyetje

Cilët janë disa nga faktorët që të shkaktojnë ndjenjën e frikës?
Si reagon zakonisht kur ndjehesh i frikësuar? Shqetësohesh, stresohesh, futesh në ankth?
Në Bibël, Perëndia na mëson që “të mos kemi frikë.” Ç’kuptim ka kjo për ty në këto kohra të turbullta që jetojmë? Në rast se për ty s’ka asnjë kuptim, pse mendon se s’ka?
Cili nga pasazhet biblikë që janë cituar nga Z. Lange të duket më i përshtashëm për veten tënde? Shpjegoje përgjigjen.

SHËNIM: Po qe se e ke Biblën, shiko edhe disa pasazhe të tjerë që lidhen me këtë temë:

Psalme 34:8-14, 115:11; Isaia 26:3; Jeremia 29:11-13; Mateu 10:26-28; 1 Gjoni 4:18

“MAJA E MALIT” DHE TREGU

noreply@blogger.com (albaniashalom) — Mon, 19 Mar 2012 21:10:00 +0000

MANNA E SË HËNËS
19 Mars, 2012

Nga Robert J. Tamasy

Atë ka qëlluar ndonjëherë të ndjehesh si “në majë të malit”? Nuk është fjala thjesht për t’u ngjitur në mal. Fjala është për momente të veçanta, të kaluara ndoshta në mjedis natyror ose në ndonjë takim miqësor, apo në ndonjë konferencë, ku ti dëgjon fjalime te fuqishme nga njerëz që të kanë motivuar e frymëzuar për t’i bërë gjërat ndryshe, më mirë dhe me zell më të madh.

Përgjatë viteve e kam përjetuar disa herë ndjesinë e të qenit “në majë të malit”. Një rast i tillë ka qenë gjatë vizitës në mrekullinë natyrore Kanioni i Madh, ku u mahnita nga madhështia e tij e pakrahasueshme. Por më shpesh “majat” e mia i kam përjetuar nëpër konferenca dhe në takime të tjera pune dhe shpirtërore. Atje kam ndeshur në njerëz të mrekullueshëm që më kanë komunikuar mesazhe të jashtëzakonshme, mesazhe, të cilat pastaj, më kanë vënë para sfidës për të qenë më i mirë si njeri, si bashkëshort, baba, biznesmen, shkrimtar, botues, mik dhe mentor.

Nganjëherë kam përjetuar edhe kulme të asaj që e quaj “lartësim shpirtëror”, shoqëruar me ndjenja euforie dhe entuziazmi, të cilat më bënin të mendoja se, sapo të kthehesha në shtëpi apo në punë, nuk do të isha më i njëjti, se do ndryshoja për të qenë edhe më i mirë .

Vetëm se ka një problem. Ne nuk mund të qëndrojmë gjatë “në majë të malit”. Na duhet patjetër që të kthehemi sërish poshtë, në luginë, atje ku na presin afatet, klientët, shefat dhe streset e punës. Atje “në luginë” presionet e jetës së përditshme bëhen aq të forta sa habitemi dhe themi me vete, “Sa entuziast isha pak ditë më parë? Si ka mundësi?”

Atëherë, çfarë bëjmë kur tashmë jemi larg “majës së malit” dhe iu jemi kthyer telasheve të përditshme? Si mund të vazhdojmë të mendojmë për ndryshime për mirë brenda vetes edhe atëherë kur zbehen përshtypjet nga të qenit në majë të malit? Do të sugjeroja që të mbanim parasysh një gjë: që atje, në majë të malit, nuk kemi qenë vetëm:

Perëndia është gjithmonë me ty. Nëse je bindur se duhet të ndryshosh, është tamam koha, sepse Perëndia të flet nëpërmjet mesazheve të ndryshme. Mund ta kesh takuar Atë në majë të malit, por kjo nuk do të thotë se Ai nuk është me ty edhe poshtë, në luginë. Psalmi 138:7 na thotë: “Edhe sikur unë të eci në mes të fatkeqësisë, ti do të më ruash të gjallë; ti do të zgjatësh dorën kundër zemërimit të armiqve të mi, dhe dora jote e djathtë do të më shpëtojë”. Kurse Psalmi 139:7-10 na siguron: “Ku mund të shkoj larg Frymës sate? Ku mund të iki larg pranisë sate? Në rast se ngjitem në qiell, ti je atje; në rast se bëj shtratin tim në Sheol, ti je edhe aty. Në rast se marr krahët e agimit dhe shkoj të banoj në skajin e detit, edhe aty dora jote do të më udhëheqë, dora jote e djathtë do të më mbajë fort.”

Bashkëshortja jote kërkon të të ndihmojë. Pavarësisht se bashkëshortja mund të mos ketë aftësitë dhe talentet e tua, Perëndia gjen gjithmonë një mënyrë që ta përdorë bashkëshorten si pasqyrë e juaja, si burim për sugjerime e kritika dashamirëse, si përkrahëse të flaktë. “Shtëpitë dhe pasuritë janë trashëgimi nga etërit, por një bashkëshorte e mençur vjen nga Zoti” (Fjalë të Urta 19:14),

Miqtë e besuar dhe bashkëpunëtorët mund të të përkrahin. Mentorimi është njëri prej pasioneve të mi; të takohem me njerëz dhe t’i ndihmoj ata në çështje personale e profesionale duke përdorur parimet biblike si udhëheqësí. Mund të kemi qëllime shumë të mira, por nganjëherë ndikimet nga jashtë ose dobësitë tona të brendshme mund të na shmangin nga rruga e drejtë. Një mentor i besuar, këshilltar ose mik, mund të na ndihmojë që të mos heqim dorë nga përkushtimet dhe të na japë mendje se si të kryejmë procesin e ndryshimit brenda vetes. ”Ashtu si hekuri mpreh hekurin, një njeri mpreh tjetrin.” (Fjalë të Urta 27:17).

Robert J. Tamasy eshte nenpresident per Komunikimin i Leaders Legacy, Inc., nje shoqate jo fitimprurese me baze ne Atlanta, Georgia, U.S.A. Veteran ne gazetarine profesioniste prej me shume se 38 vjetesh, ai eshte autor i librit Business At Its Best: Timeless Wisdom from Proverbs for Today’s Workplace (River City Press) dhe eshte bashkeautor me David A. Stoddard ne vepren The Heart of Mentoring: 10 Proven Principles for Developing People to Their Fullest Potential (NavPress). Per me shume informacion shiko www.leaderslegacy.com ose blogun e tij, www.bobtamasy.blogspot.com.

Reflektim/Diskutim Pyetje

A ke përjetuar ndonjëherë ndjesinë e “majës së malit”? Çfarë efekti të ka krijuar?
Duke e marrë të mirëqenë faktin se ke pasur të paktën një herë në jetë çaste të tilla frymëzimi, a ke qenë i suksesshëm në mbajtjen e premtimeve që i ke bërë vetes në ato çaste? Pse, ose pse jo?
Autori na sugjeron se, kur përjetojmë çaste të tilla, kjo do të thotë se po na flet Perëndia. A pajtohesh me këtë? Pse, ose pse jo?
Si mendon se mund të të ndihmojë një mentor ose një mik për të bërë përkushtime shpirtërore të cilat ia ke premtuar vetes në çastet kur je ndjerë “në majë të malit”?

SHËNIM: Në rast se e ke Biblën dhe do deshe të lexoje më tepër në lidhje me këtë temë, shiko pasazhet si më poshtë:
Fjalë të Urta 11:14, 12:15, 15:22; Predikuesit 4:9-12; Filipjanëve 4:9-17; 2 Timoteut 2:2

I VARFËR – ME PARA NË BANKË!

noreply@blogger.com (ardi kule) — Mon, 12 Mar 2012 10:42:00 +0000

MANNA E SË HËNËS
12 Mars, 2012

Nga Ken Korkow

Vite me parë unë dhe familja ime ishim katandisur financiarisht aq në pikë të hallit sa nuk ishim në gjendje as të siguronim pemën e vitit të ri e jo më të blinim lodra për ta zbukuruar atë. Fëmijët ishin të dëshpëruar. Ime shoqe ishte e dëshpëruar. Unë vetë isha i dëshpëruar.

Pasi kaloi festa e vitit të ri, bëra një zbulim të rëndësishëm: kishim pasur ca pará në bankë, por nuk e dinim. Në fakt, unë nuk e kisha mbajtur shënim derdhjen e rrogës së muajit paraardhës! Pra mendonim se ishim të varfër, madje jetonim si të tillë e, megjithatë, paskeshim pasur pará në bankë!

A të ka ndodhur edhe ty diçka e tillë? A të ka ndodhur që je kujtuar për burime që nuk i kishe vënë në përdorim me kapacitetin e tyre maksimal? Kjo nuk ka të bëjë vetëm me paratë, por edhe me aftësi dhe dhunti që i ke vetëm ti, por që nuk i ke shfrytëzuar; aftësira që i ke lënë të vyshken, marrëdhënie të caktuara njerëzore që mund të të ndihmonin për të kaluar me sukses situata të vështira por që i ke lënë në harresë…

Kam mendimin se kjo çështje qëndron edhe për fushën shpirtërore. Shpesh mundohemi që të bëjmë ndryshime në jetën tonë, të modifikojmë mënyrën e të menduarit e të sjellurit, por, në vend që t’u drejtohemi burimeve shpirtërore që kemi në dispozicion, bazohemi në forcat tona dhe mjaftohemi me faktin se qëllimi që i kemi vënë vetes është një qëllim i mirë. Kjo mënyrë mbart me vete dështimin.

Dr. Henry Blackaby, orator i njohur, bën fjalë mbi burimet shpirtërore që disponojmë dhe mbi mënyrën se si duhet t’i shfrytëzojmë ato. Ai citon një thënie biblike të apostullit Pjetër, njërit prej dishepujve të Jezu Krishtit: "Duke qenë se fuqia e tij (Jezusit) hyjnore na dhuroi të gjitha gjërat që kanë të bëjnë me jetën dhe perëndishmërinë, me anë të njohjes së Atij që na thirri në lavdinë dhe virtytin e vet…" (2 Pjetrit 1:3). Më pas ai bën konstatimet e mëposhtëme:

"Si i krishterë që je, ti ke gjithçka që të duhet për të bërë një jetë të shenjtëruar dhe të begatë,” thekson Dr. Blackaby. “Inteligjenca jote, shkollimi dhe tradita familjare – këto e përcaktojnë shenjtërinë e jetës tënde. Te Shpirti i Shenjtë që ndodhet tek ty, ti gjen gjithçka që duhet për të jetuar një jetë plot suksese, ngazëllim dhe begati. Sipas Pjetrit, çdo i krishterë, në saje të besimit, mund të ketë mirësinë, perëndishmërinë, kontrollin mbi veten, këmbënguljen, frymën hyjnore, ndjenjën vëllazërore dhe dashurinë.

"Nuk ka vlerë të trashëgosh pasuri pa e pasur atë si të merituar. Po kështu, nuk ka asnjë dobi që të të jepet gjithçka që duhet për të jetuar si Krishti, pa kërkuar vetë. Në rast se do të vazhdojmë të mos e kontrollojmë veten në një kohë që Perëndia na e ka dhënë mundësinë për vetëkontroll, ne nuk bëjmë gjë tjetër veçse rrënojmë veten dhe ata që na rrethojnë. Në rast se Perëndia do që të na pajisë me ndjenjën e vëllazërimit, por ne nuk e demostrojmë atë asnjëherë, njerëzit do të vuajnë pa qenë nevoja. Ne duhet të besojmë se Perëndia kërkon të na i rrënjosë këto cilësi të mrekullueshme. Te Ungjijtë, Jezusi bashkëvepron me njerzit në bazë të besimit të tyre. Besimin e sinqertë ai e shpërblen duke siguruar shpëtim dhe shërim. Por Ai nuk shpërblen kur ka mungesë besimi.

" Shikoje edhe njëherë listën e cilësive që Perëndia do që ne t’i përvetësojmë. Në rast se të mungon ndonjë nga këto cilësi, kërkoji Perëndisë që të t’a ngulisë atë në karakter, në mënyrë që gjithnjë e më shumë t’i shëmbëllesh Krishtit."

Besoj se kjo është një këshillë e dobishme që vlen në çdo situatë; në mbledhje bordi, në zyrën e vogël të kompanisë, në procesin e një shitjeje, gjatë bërjes së buxhetit vjetor të ndërmarrjes e deri në marrëdhëniet brenda familjes.

Ken Korkow jeton në Omaha, Nebraska, U.S.A., ku shërben si drejtor rajonal për CBMC. Kjo pjesë është adaptuar nga seria e artikujve “Fax of Life” që ai shkruan çdo javë. Përdoret me lejen e tij.

CBMC INTERNATIONAL: President Jim Firnstahl,
1065 N. 115^th Street, Suite 210 ▪ Omaha, Nebraska 68154 ▪ U.S.A.
TEL.: (402) 431-0002 ▪ Për pyetje drejtohuni te: www.cbmcint.org

Reflektim/Diskutim Pyetje

A je ndodhur ndonjëherë në një situatë të ngjashme me atë të Z. Korkow, kur të është dashur diçka e nevojshme dhe ke zbuluar me vonë që ajo në fakt egzistonte, por t’i nuk arrite ta shfrytëzoje?
A ke pasur raste që nuk i ke shfrytëzuar mundësitë edhe kur ato kanë qenë të arritëshme për ty?
A je menaxher i mirë i dhuntive e mundësive që ke në dispozicion?
Dr. Blackaby bën fjalë për burime shpirtërore, duke thënë se Perëndia na i ka vënë të gjitha në dispozicion. A je dakord me të? Pse, ose pse jo?

SHËNIM: Po ta kesh Biblën, shiko edhe pasazhet e mëposhtëm që lidhen me këtë temë:

Mateu 8:13; 9:29; 15:28; Marku 6:5-6; Galatasve 5:22-23; 2 Pjetrit 1:3-11

TË NDRIÇOHESH NGA IDETË E PËRPARUARA

noreply@blogger.com (ardi kule) — Mon, 05 Mar 2012 09:16:00 +0000

MANNA E SË HËNËS
5 Mars, 2012

Nga Rick Boxx

Vite më parë ishin shumë në modë kutitë që duheshin shënuar me “x” përbri pyetjeve të gatshme që nxisnin për të paraqitur ide të reja, vërejtje dhe sugjerime nëpër pyetësorë të ndryshëm që iu drejtoheshin punonjësve dhe klientëve. Teknologjia e sotme e ka nxjerrë jashtë loje këtë metodë. Sipas gazetës prestigjioze The Wall Street Journal, ajo është zëvëndësuar nga sistemi online i komunikimit.

Nëpërmjet këtij sistemi jo vetëm prezantohen idetë, por një numër i madh të interesuarish mund të japin komentet e tyre mbi to. Kjo i bën menaxherët që të ndjenë se punonjësit kanë përkushtim ndaj kompanisë, gjë që i shtyn t’i kushtojnë më shumë vëmëndje mendimeve të tyre. Shpesh këto mendime hapin perspektiva të reja duke sjellë ide që nuk u kanë shkuar më parë ndërmend njerëzve që drejtojnë në nivele të larta.

Për shembull, Pricewaterhouse Coopers, një firmë shërbimesh globale me qendër në Londër, Angli, krijoi një website për shprehjen e ideve të reja, e cila grumbulloi rreth 3300 të tilla. Megjithëse, deri tani, janë vënë në jetë më pak se 200 prej tyre, ato i sollën kompanisë një kursim fondesh prej disa qindra mijra dollarësh.

Fakti është se punonjësit i njohin produktet dhe proceset e punës së kompanisë më mirë se sa konsulentët që vijnë nga jashtë. Megjithatë shumë kompani ende nuk e kanë vlerësuar sa duhet këtë fakt. Vite më parë krijoheshin të ashtuquajturat “grupe të përmirësimit të cilësisë” ku bënin pjesë punonjësit më të kualifikuar nga fusha të ndryshme të aktivitetit të kompanisë. E kush mund ta bënte më mirë ngritjen e cilësisë se sa këta njerëz që vinin nga “vija e parë e frontit” të punës së përditëshme?

Në Testamentin e Vjetër të Biblës gjejmë pohime të shumta mbi vlerën dhe rëndësinë e këshillimit me rrethe sa më të gjera. Fjala e Urtë 12:15 na mëson: "Budallait i duket e drejtë rruga e tij, por i mënçuri i dëgjon këshillat". Është mënçuri e veçantë profesionale të marrësh parasysh këshillat e mendimet e njerëzve pavarwsisht se ata mund të qëndrojnë poshtë në hierarkinë organizative të kompanisë.

Një varg tjetër e thekson edhe më tepër idenë: “Pa një udhëheqje të urtë kombi bie, por shumë këshilltarë sigurojnë fitoren” (Fjalë të Urta 11:14). Kjo thënie vlen për një kompani njësoj si për një komb. Dhe, për ta forcuar edhe më shumë këtë thënie, Fjalët e Urta 15:22 theksojnë: “Planet dështojnë për mungesë këshillimi, por ato kanë sukses kur ka shumë këshilltarë.”

Shumë drejtues kompanish vlerësojnë më shumë konsulentët e jashtëm se sa këshillat e njerëzve që marrin rrogën aty. Nuk dua në asnjë mënyrë që të nënvleftësoj konsulentët sepse duke qenë “të jashtëm” ata janë të paanshëm dhe objektivë në gjykimet e tyre. Por nuk duhen nënvleftësuar as punonjësit e kompanisë. Në rast se atyre iu krijohen kushtet që të paraqesin idetë e tyre më të mira, jo vetëm që mund të bëhen kursime në fonde, por edhe mund të marrin udhë një sërë ndryshimesh të dobishme për të intensifikuar prodhimin, përmirësuar shërbimet dhe rritur fitimet.

Reflektim/Diskutime Pyetje

A i ke parasysh kutitë që mbusheshin me “x”. A të ka rënë rasti të plotësosh ndonjë pyetësor që i përmbante ato?
Sa shpesh të bie rasti të komunikosh online për të plotësuar pyetësorë të ndryshëm. A të duket praktikë e dobishme?
A ka terren në vendin ku punon që të përthithen mendimet e punonjësve për mbarëvajtjen e punës? A ke ti ndonjë mendim të vlefshëm që do të dojë të të merrej parasysh?
A mendon se është e vështirë të merret mendimi i punonjësve? Çfarë mendon për Fjalët e Urta 15:22?

SHËNIM: Po ta kesh Biblën, shiko edhe pasazhet e mëposhtëm që lidhen me këtë temë:

Fjalë të Urta 13:1, 19:20,27, 20:18, 24:5-6, 27:17; Predikuesit 4:9-12; Mateu 13:57

KUSH QUHET FITUES?

noreply@blogger.com (ardi kule) — Mon, 27 Feb 2012 09:11:00 +0000

MANNA E SË HËNËS
27 Shkurt, 2012

Nga Dr. Rick Warren

Në çdo fushë të jetës, në punë, në sport ose në argëtim ne shijojmë faktin e të qenit fitues.

Të realizosh një kontratë të rëndësishme, të fitosh një ngritje të merituar në detyrë ose të të lavdërojnë për punë të mirë, përbën një moment që sjell kënaqësi dhe që na bën të ndihemi të realizuar në profesionin tonë. Edhe si spektatorë ne ndihemi fitues kur skuadra jonë e zemrës triumfon mbi rivalen e saj, kurse në çdo lojë tjetër ku ka konkurrencë, ne përpiqemi të dalim fitues.

Por çfarë do të thotë të jesh “fitues”? A përmban ky koncept diçka më shumë se sa thjesht të dominosh mbi një konkurrent apo të shënosh më tepër pikë se sa kundërshtari yt në një lojë? Ja disa shpjegime:

Fituesi… i respekton ata që janë më të zotë se ai dhe përpiqet të mësojë prej tyre;

humbësi… i urren ata që janë më të zotë se ai dhe i minimizon arritjet e tyre.

Fituesi… shpjegon, tregon;

humbësi… nuk jep shpjegime, bën justifikime.

Fituesi… thotë, “Mund dhe duhet të gjejmë një rrugëdalje”;

humbësi… thotë, “Nuk ka rrugëdalje.”

Fituesi… përballet me problemin dhe kërkon zgjidhjen;

humbësi… i vjen rrotull problemit duke u munduar ta shmangë atë.

Fituesi… thotë, “Filan gjë mund të bëhet edhe më mirë”;

humbësi… thotë, “Kështu i kemi bërë gjithmonë punët këtu.”

Fituesi… kërkon falje dhe korrigjohet;

humbësi… kërkon falje, por herën tjetër përsërit të njëjtin gabim.

Fituesi… di përse lufton dhe se ku të bëjë kompromise;

humbësi… bën kompromis për gjëra që nuk duhet dhe lufton për gjëra që s’ja vlejnë.

Fituesi… punon më shumë se humbësi, por i mbetet kohë më tepër se ai;

humbësi… është gjithmonë “shumë i zënë” dhe nuk gjen kohë të bëjë atë që duhet bërë.

Fituesi… nuk ka frikë nga humbja;

humbësi… fshehtazi ka frikë nga fitorja.

Fituesi… bën dhe i mban premtimet;

humbësi… bën premtime, por i harron ato shpejt.

Edhe Bibla përmban disa mendime me vlerë mbi fituesin dhe humbësin. Apostulli Pal, për shembull, ka shkruar mbi rëndësinë e të qënit i parapërgatitur për të korrur fitoren: “A nuk e dini se në pistë vrapojnë të gjithë, por vetëm njëri e fiton çmimin? Vraponi në atë mënyrë që ta fitoni.” (1 Korintasve 9:24). Në një pasazh tjetër Jezusi paralajmëron për rrezikun e humbjes edhe në rast “fitoreje: “Ç’dobi do të ketë njeriu të fitojë gjithë botën, nëse për këtë do të humbasë shpirtin e tij?” (Marku 8:36).

Bazuar në mendimet e shprehura më sipër, si të duket vetja – fitues apo humbës?

© 2010, Purpose Driven Life. Të gjitha të drejtat të rezervuara. Adaptuar nga nje shkrim i Dr. Rick Warren, autor i shumë librave, përfshirë edhe te shumëvleresuarin “The Purpose-Driven Life”, i cili është përkthyer në disa gjuhë dhe është shitur në mbarë botën. Ky liber afirmon rëndësinë e të pasurit të një qëllimi te qartë në jetën e përditëshme. Është nominuar si një ndër 100 librat e krishterë që ndryshuan shekullin e XX. Ai ka shkruar gjithashtu edhe librat “The Purpose-Driven Church” dhe “The Purpose of Christmas”.

CBMC INTERNATIONAL: President: Jim Firnstahl,
1065 N. 115^th Street, Suite 210 ▪ Omaha, Nebraska 68154 ▪ U.S.A.

TEL.: (402) 431-0002 ▪ FAX: (402) 431-1749 ▪ E-MAIL: info@cbmcint.org

Për pyetje ose kërkesa drejtohuni te : www.cbmcint.org

Reflektim/Pyetje Diskutime

Para se të lexonit këtë Manna, si mund t’i përgjigjeshit pyetjes, “Kush quhet fitues?”
A ka ndryshuar koncepti yt për “fituesin” pas leximit të kësaj Manne? Shpjegoje përgjigjen.
Ku e kishte fjalën Jezusi kur tha se dikush mund të fitonte gjithë botën duke humbur shpirtin e tij?
Duke parë krahasimet që bën Dr. Warren-i, si e klasifikon veten?

SHËNIM: Po qe se e ke Biblën, shiko edhe pasazhet e mëposhtëm që lidhen me këtë temë:

Fjalë të Urta 6:20-23, 11:14, 11:24, 15:22, 22:4; Mateu 6:19-21,33; Filipjanëve 3:8

PËRKUSHTIMI TOTAL SHPËRBLEHET

noreply@blogger.com (albaniashalom) — Mon, 20 Feb 2012 21:40:00 +0000

MANNA E SË HËNËS
20 Shkurt, 2012

Nga Robert J. Tamasy

Në botën profesionale dhe të biznesit dëgjojmë shpesh termin “përkushtim total”, i cili ka të bëjë me procesin para se të merret ndonjë vendim i rëndësishëm. Për shembull, kur kërkohet një drejtues i ri, kompanitë i përkushtohen maksimalisht gjetjes së kandidatit më të mirë. Para se të hidhet në treg një produkt ose shërbim i ri, ka një përkushtim total për të studjuar interesat e konsumatorit, konkurrencën, marketingun. Kur është fjala për të shtuar në staf ndonjë person kyç, atëhere ka një përkushtim shumë të mdh që personi në fjalë të ketë aftësitë dhe vlerat e duhura dhe të jetë në gjëndje të bashkëveprojë me kolektivin.

Kur një individ është në kërkim të ndryshimit të vendit të punës, atë e këshillojnë që të ketë një përkushtim maksimal për studimin e mundësive që ofron tregu i punës, lloji dhe cilësitë e kompanisë ku mund të punojë, faktin nëse puna e zgjedhur jep mundësi për zhvillim të mëtejshëm të karierës dhe, më e rëndësishmja, nëse ndryshohet puna, cili është qëllimi i vërtetë i këtij ndryshimi: duhet të vazhdojë të bëjë atë që ka pas bërë, apo të bëjë diçka të re. Mos ka ardhur koha për një karierë të re?

Kërkimi i informacionit përbën pjesën më të madhe të atij që quhet përkushtim total. Dhe sot informacioni gjëndet me bollëk. Të dhënat mund të merren nëprmjet internetit në pak minuta, gjë që na jep kohë për të pjekur marrjen e vendimeve të rëndësishme. Megjithatë shpesh harrojmë burimin më kryesor: mençurinë dhe urtësinë e Perëndisë.

Pavarësisht se përpiqemi, nganjëherë ky burim mbetet i paqartë, prandaj duhet të mësojmë nga ajo që thotë Testamenti i Ri i Biblës: “Por nëqoftë se ndonjerit i mungon urtia, le ta kërkojë te Perëndia që ua jep të gjithëve pa kursim, dhe atij do t’i jepet” (Jakobit 1:5).

Kur ndodhem para marrjes së vendimeve të rëndësishme, unë zakonisht i lutem Perëndisë që të më pajisë me urtësinë e nevojshme për të shmangur çdo gabim. Gjatë jetës kam njohur drejtues që udhëhiqen nga motoja ”Perëndia është pronari i biznesit tim”. Kjo moto i bën ata që ta quajnë të nevojshme dhe të arësyeshme që të kërkojnë këshillën e Tij për ecurinë e punëve të përditëshme.

Por duhet ditur se duhet të kesh disa “cilësi” të posaçme kur i drejtohesh Perëndisë për këshilla të urta. Ato shprehen në vargun e mëposhtëm: “Por le ta kërkojë me besim, pa dyshuar, sepse ai që dyshon i ngjan valës së detit, të cilën e ngre dhe e përplas era. Ky njeri të mos pandehë se do të marrë diçka nga Zoti” (Jakobi 1:6-7).

Duke menduar për këtë nën dritën e kaq shumë vendimeve që marrim gjatë ditës, theksoj se është një vendim, i cili ua kalon të gjithë të tjereve për nga rëndësia: vendimi nëse ne duam sinqerisht që të jetojmë për Perëndinë në aspektin personal dhe në atë profesional. Mijra vjet më parë udhëheqësi izraelit, Jozueu, bëri këtë deklaratë: “Sa për mua dhe për shtëpinë time, do t’i shërbejmë Zotit” (Jozueut 24:15). A ke edhe ti këtë lloj vendosmërie?

Në rast se nuk e ke, atëhere duhet përkushtim total që ai të bëhet i mundur. Nuk është punë e lehtë. Mirë do ishte që të ndjekim shembullin e kërkuesve për përsosje shpirtërore të qytetit të lashtë të Bereas. Testamenti i Ri na thotë: “Bereanët…i shqyrtonin çdo ditë shkrimet për të parë nëse këto gjëra ishin ashtu siç thoshte Pali” (Veprat e apostujve 17:11). Sipas përvojës time, një kërkim i tillë i përkushtuar ka qenë vendimtar për të më forcuar besimin te Perëndia.

CBMC INTERNATIONAL: President: Robert Milligan,
1065 N. 115^th Street, Suite 210 ▪ Omaha, Nebraska 68154 ▪ U.S.A.
TEL.: (402) 431-0002 ▪ FAX: (402) 431-1749 ▪ E-MAIL: info@cbmcint.org
Ju lutemi adresoni cdo kerkese tek: www.cbmcint.org

Reflektim/Diskutim Pyetje

Cila ka qenë përvoja më e afërt në kohë në lidhje me përkushtimin total në vendin ku punon. Cili ka qenë rezultati?
Në qoftë se dikush do të të pyeste se si ta niste “përkushtimin total” para se të merrte një vendim të rëndësishm, çfarë do t’i këshilloje?
A të ka shkuar në mendje që të kërkosh urtësinë e Perëndisë në procesin e vendimmarrjeve të tua? Të ka ndihmuar kjo gjë, apo të duket si diçka e parealizueshme dhe e panevojshme?
Në këtë Manna Z. Tamasy thotë se vendimi më i rëndësishëm është nëse do të vendosësh të jetosh për Perëndinë. A pajtohesh me të? Si të duket shembulli I Bereanëve?

SHËNIM: Po ta kesh Biblën, shiko dhe vargjet e mëposhtëme që lidhen me këtë temë: :
Jozueu 1:6-9; Psalme 119:9,11; Fjalë të Urta 1:7, 2:6, 3:13-15, 16:16; 2 Timoteu 3:16-17

S’TË MJAFTON KOHA?

noreply@blogger.com (albaniashalom) — Mon, 13 Feb 2012 10:31:00 +0000

MANNA E SË HËNËS
13 Shkurt, 2012

Nga Jim Lange

Koha. A të mjafton ajo? Në rast se je si gjithë të tjerët, kësaj pyetje do t’i përgjigjeshe duke thënë “Jo!” Megjithatë, e ke gabim. Koha na mjafton të gjithëve. Fakti është se secili nga ne ka një sasi të barabartë kohe çdo ditë: 24 orë. Askush nuk ka më shumë dhe askush më pak.

Per shumicën prej nesh problemi qëndron në faktin se jemi mësuar që ta mbushim kohën me gjëra pa rëndësi. E mbushim me zgjidhjen e halleve të punës. E mbushim duke harxhuar orë të tëra në rrjetet sociale Facebook ose Twitter; e mbushim duke marrë dhe shpënë fëmijët në shkollë ose në aktivitete të ndryshme; e mbushim duke parë televizor. Vazhdimisht jemi në lëvizje duke humbur orë dhe minuta shumë të vlefshme.

E kemi zënë pothuajse të gjithë kohën e jetës aktive dhe vazhdojmë ta ngjeshim këtë dëng të madh. Mirëpo, në fund të ditës konstatojmë me dëshpërim se kemi lënë pas dore atë që ka vërtet rëndësi: marrëdhëniet me njerëzit.

Kam tre pyetje për ty:1) Si e shfrytëzon kohën? 2) Si funksionon koha për ty? 3) Kur të jesh në shtratin e vdekjes, a do të ndihesh i kënaqur me mënyrat se si e ke shfrytëzuar kohën tënde?

Këtë temë e kam dëgjuar së fundi dhe zura të mendoj për jetën time dhë për faktin se ndihem tepër i okupuar. Nuk mendoj se Perëndia do që unë të jem kaq i zënë me punë, madje, besoj se Ai do që unë të bëj ca pushim në rrugëtimin e jetës dhe ta shijoj këtë rrugëtim, por shpesh kjo gjë më duket e vështirë për t’u realizuar.

Sidoqoftë, kam vendosur që të dalë nga kjo rutinë duke e pyetur sa më shpesh veten se çfarë është vërtet e rëndësishme në jetë. E kam zakon të mirë që di se si t’i thjeshtoj gjërat, por përgjithësisht kam qenë tepër i orientuar nga puna gjë që m’i ka dëmtuar disi marrëdhëniet me njerëzit sepse kam lënë pas dore kujdesin ndaj disave që i dua shumë.

Në këtë vazhdë, kam filluar të rivlerësoj atë çka bëj nëse është vërtet ajo që duhet të bëj. Po ti, a do deshe që ta bëje një gjë të tillë?

Shumë vetë nuk janë në gjendje që ta përballojnë psikologjikisht këtë proces rivlerësimi, madje kanë frikë prej tij. Por realiteti është ky: Në rast se vazhdojmë që të veprojmë ashtu sikundër kemi vepruar, gjithmonë edhe rezultatet do t’i kemi të njëjta me ato që kemi pasur. Këtu hyn edhe mënyra e shfrytëzimit të kohës.

Ditët tona janë me numër të caktuar. Ashtu sikundër nuk mund t’i shtojmë as edhe një minutë të vetme ditës 24 orëshe, ashtu edhe jetëgjatësisë sonë nuk mund t’i shtojmë qoftë edhe një ditë. Koha është kapitali më i çmuar që kemi, prandaj bashkohuni me mua që të përfitojmë maksimumin nga ditët që na kanë mbetur. Kjo bëhet jo duke zgjatur kohën, por duke krijuar sa më shumë çaste me vlerë gjatë ditëve tona. Në rast se përqendrohemi te rritja e vlerës së çdo minute, kjo do të na çojë në forcimin e marrëdhënieve midis nesh mbi bazën e një qëllimi të përbashkët. Duhet t’u dedikojmë kohë marrëdhënieve sepse këtu krijohet vlera e shtuar e çdo minute të jetës sonë. Por kjo kërkon përkushtim dhe sakrificë.

Në librin e Psalmeve të Testamentit të Vjetër gjejmë këtë këshillë: “Na mëso të kuptojmë se sa e shkurtër është jeta, në mënyrë që të mençurohemi” (Psalme 90:12).

Reflektim/Diskutime Pyetje

A ke menduar ndonjëherë se nuk të del koha? Sa shpesh?
Jim Lange bën tre pyetje. Si u përgjigjesh dy të parave?
A ke bërë përpjekje për të dalë nga rutina sikundër bën thirrje Jim Lange? Cilat kanë qenë rezultatet?
Sipas teje, ku qëndron ndryshimi midis “ çasteve me vlerë” dhe “ t’i rritësh vlerën minutit”?

SHËNIM: Po qe se e ke Biblën, shiko edhe vargjet e mëposhtme:
Psalme 89:47; Predikuesi 3:1-8,11, 8:5-6, 9:11-12; Efesianëve 5:16; Kolosianëve 4:5

TË KRIJOSH MBRESA TË MIRA QË ZGJASIN MË KOHË

noreply@blogger.com (albaniashalom) — Sun, 05 Feb 2012 23:37:00 +0000

MANNA E SË HËNËS
6 Shkurt, 2012

Nga Rick Boxx

Vjet isha organizator i nje konference biznesmenësh ku një nga folësit ishte Peter Herschend, bashkëthemeluesi i Silver Dollar City, një qendër argëtimi në Branson, Missouri, U.S.A. Teksa po kërkonim një mikrofon për të, dikush nga salla u ngrit, shkoi drejt tij dhe i dorëzoi një dhuratë të vogël.

Ky veprim iu duk disi i çuditshëm ndaj, pas një hezitimi të shkurtër, Peter Herschend e hapi kutinë. Në të ndodhej një album me foto të punonjësve të Silver Dollar City.

Dhuruesi tha se albumi ishte rezultat i kujtimeve fotografike që kishte grumbulluar familja e tij prej shumë vjetësh gjatë vizitave në qendrën argëtuese të Peterit. Këto foto përbënin një vlerësim nga ana e familjes për orët e këndshme që kishin kaluar atje.

Siç doli më pas, ky gjest përputhej plotësisht me përmbajtjen e fjalimit të Peterit në lidhje me misionin e kompanisë së tij “Të krijohen kujtime nga ato që mbahen mend”. Për Peter Herschend-in edhe vetë gjesti i dhurimit u shndërrua në një kujtim nga ata që mbahen mend.

A nuk do të ishte mirë që motoja e përmendur më sipër të ishte moto për të gjithë bizneset tona? Ndoshta puna jonë nuk ka si produkt të sajin fotografitë artistike, por ajo duhet të bëhet në atë mënyrë dhe me atë cilësi që të lerë gjurmë të pashlyeshme në memorien e përfituesve prej saj.

Për shembull, një klient i rregullt i një kafeneje ruan në memorien e tij aromat dhe shijet e llojeve të ndryshme të kafeve, së bashku me kujtimet e bisedave miqësore të zhvilluara atje. Blerësit e një dyqani ruajnë në memorien e tyre sjelljen e ngrohtë dhe profesionale e shitësve, të cilët i ndihmojnë ata të gjejë atë që kërkojnë. Një klient biznesmen mbetet i kënaqur dhe mirënjohës ndaj kontributit të një këshilltari financiar, i cili i zgjidh disa problem të rëndësishme pa kërkuar shtesë shpërblimi etj.

Kuptohet se një vizitë argëtuese si ajo në Silver Dollar City ka më shumë mundësi për të krijuar kujtime të paharrueshme, por edhe një supermarket, ku punonjësit e kasavet i përshëndesin klientët me buzëqeshje rutinore, e ka shansin e vet për të lënë të tilla kujtime. Cilido që të jetë produkti ose shërbimi që ne ofrojmë është mirë që të krijojë një atmosferë të këndshme në mënyrë që, si klientët ashtu edhe furnizuesit, të kenë mendimin se “Ja vlen që të punosh me ta”.

Fjalët e urta 10:7 në Testamentin e Vjetër të Biblës na mësojnë: "Kujtimi i të drejtit do të jetë bekim, por emri i të ligut do të kalbet" Përvojat e këndshme lenë pas kujtime të mira; ato të pakëndshmet ose harrohen ose lenë ndjesi negative që e bëjnë bashkëpunëtorin tonë të mos i shkojë më mendja që të punojë me ne.

Atëherë, a do të lemë me punën tonë mbresa që të shndërrohen në bekime apo do të fshijmë gjithçka nga memoria e bashkëpunëtorëve tanë?

Copyright 2010, Integrity Resource Center, Inc. Adaptuar me lejen e "Integrity Moments with Rick Boxx," komente mbi cështje të integritetit moral në biznes nga këndvështrimi i krishterë. Për të mësuar më shumë mbi Inegrity Resource Center ose për t’u rregjistruar tek shërbesa e përditshme e Rick-ut “Integrity Moments”, vizito www.integrityresource.org. Libri i tij me titull “Si të rritësh biznesin pa sakrifikuar integritetin” është një qasje me frymë biblike ndaj të bërit biznes sipas moralit të krishterë.

Reflektim/Diskutime Pyetje

Cilat janë disa nga mbresat më të mira nga ndonjë vend i veçantë që ke vizituar apo nga ndonjë bashkëpunim me ndonjë biznes?
A mendon se qëllimi i motos : ‘Të Lesh Mbresa Të Paharrueshme” vlen edhe për biznesin tënd? Pse, ose pse jo?
Si mund të shndërrohet mbresa në bekim, sikundër pohon vargu nga Fjalët e Urta?
Në rast se do të vlerësoje vendin tënd të punës sipas “shkallës së krijimit të mbresave”, ku do ta vendosje atë? Në rast se ky vend do të ishte shumë poshtë, çfarë veprimesh duhen ndërmarrë që ai të ngrihet sa më lart duke krijuar mbresa të mira të paharrueshme?

SHËNIM: Në Bibël ka edhe të tjera pasazhe që lidhen me këtë temë:

Fjalët e Urta 11:16-17, 13:9; Luka 22:19; 1 Korintasve 4:17, 11:24-25; Filipianëve 4:8

STEVE JOBS, RREGULLAT E SUKSESIT, DHE BIBLA

noreply@blogger.com (albaniashalom) — Mon, 30 Jan 2012 22:32:00 +0000

MANNA E SË HËNËS
30 Janar, 2012

Nga Robert J. Tamasy

Kur Steve Jobs-i vdiq më 2011, ai la një trashëgimi arritjesh që e ndryshuan jetën tonë në mënyrë dramatike. Si bashkëthemelues i Apple, Inc., ai ishte një figurë qendrore në revolucionin kompjuterik. Kompjuteri personal Apple i Macintosh-it, që u prezantua në fillim të viteve 1980, e transformoi mënyrën se si ne i konceptonim dhe përdornim kompjuterët. Po kështu Jobs-i themeloi Pixar Animation Studios, që hapi rrugë të reja për realizimin e filmave të animuar. Para vdekjes së tij, iPads, iPhones dhe iPods bënë që të hapen horizonte të reja në komunikim dhe në argëtimin virtual. Praktikisht, puna e Jobs-it pati ndikim në jetën profesionale të çdo njeriu.

Jobs-i ishte një vizionar, pionier dhe novator i papërsëritshëm, por kjo nuk do të thotë se prej parimeve që udhëhoqën punën e tij nuk mund të përfitojmë edhe ne. Kohët e fundit, Entrepreneur.com publikoi një artikull që radhiste “7 arsyet e suksesit” të Steve Jobs-it. Megjithëse vetë Jobs-i nuk njihet si besimtar i krishterë, secila nga arësyet e tij të suksesit shkon paralel me principet biblike që janë përcaktuar mijëra vjet më parë. Le t’u hedhim një sy:

1. Bëj atë që ke pasion të bësh. Jobs-i ka thënë, “Njerëzit pasionantë mund të përmirësojnë botën.” Ideja futjes së pasionit në punën e përditshme përmendet të Kolosjanëve 3: 23-24: “Gjithçka që bëni, bëjeni me gjithë zemër, bëjeni si për Zotin dhe jo për njerzit, sepse ju e dini se si shpërblim do të merrni prejardhësinë nga Zoti…”

2. Jepi një shtytje botës. Një herë Jobs-i i tha një drejtuesi të lartë të një kompanie të madhe pijesh, “Ti do që ta kalosh jetën duke shitur ujë me sheqer, apo do që të ndryshosh botën?” Me këtë pyetje ai ngacmoi një çështje parimore shumë të rëndësishme në lidhje me vlerat e të pasurit vizione madhështore. Fjalët e Urta 29:18 na japin pak a shumë të njëjtën tablo: “Aty ku nuk ka vizion njerzit rrënohen.”

3. Zhvillo lidhje e mardhënie. Ideja e Jobs-it ishte që të pasuronte mendimin me sa më shumë përvoja konkrete nga fusha të ndryshme të shkencës. Kjo ide del edhe te Romakëve 8:28, ku thuhet, “Por dimë se Perëndia kombinon gjithçka në të mirë të atyre që e duan Atë, që janë thirrur sipas qëllimit të Tij.”

4. Mos u shpërnda në shumë drejtime. Për kompaninë Apple ka qenë shumë e rëndësishme mbajtja në shënjestër e një objektivi të qartë, teksa i shmangej shumë produkteve të tjera që mund të kishin sjellë përfitime të mëdha. Te Fjalët e Urta 4:27, në Testamentin e Vjetër, thuhet: “Mos u largo nga mendimi i drejtë, që këmbët e tua të mos shkojnë në rrugë të gabuar.”

5. Zhvillo metoda të reja. Gjatë ngritjes së rrjetit të dyqaneve, Jobs-i u kujdes që të krijonte përshtypje sa më të mira te blerësit. Jezusi ka diçka të ngjashme me idenë e tij të shprehur në fjalët, “veri të tjerët para vetes”. “Bëju të tjerëve atë që dëshiron të të bëjnë ata ty” (Luka 6:31).

6. Komunikoji mesazhet. Jobs-i mendonte se edhe idetë më të mira, po nuk u komunikuan mirë te të tjerët, e humbasin vlerën e tyre. Të njëjtën gjë ka thënë edhe apostulli Pal,” “Silluni me mend ndaj atyre që janë jashtë bashkësisë… Flisni me ta me ëmbëlsi, por thoni fjalë të kripura që t’i jepni përgjigjen e duhur secilit që pyet” (Kolosianëve 4:5-6).

7. Shit ëndrra jo produkte. Jobs-i e kishte kuptuar rëndësinë e të joshurit të dëshirave, shpresave dhe ambicieve të njerëzve. Një motivim të ngjashëm iu ofronte Jezusi pasuesve të tij: “Shkoni dhe bëjini nxënës të mi të gjithë popujt…mësojini të zbatojnë gjithçka që ju kam urdhëruar” (Mateu 28:19-20).

Robert J. Tamasy është nënpresident për Komunikimin i Leaders Legacy, Inc., një shoqatë jo fitimprurëse me bazë në Atlanta, Georgia, U.S.A. Veteran në gazetarinë profesioniste prej më shumë se 38 vjetesh, ai eshte autor i librit Business At Its Best: Timeless Wisdom from Proverbs for Today’s Workplace (River City Press) dhe është bashkautor me David A. Stoddard në veprën The Heart of Mentoring: 10 Proven Principles for Developing People to Their Fullest Potential (NavPress). Për më shumë informacion shiko www.leaderslegacy.com ose blogun e tij, www.bobtamasy.blogspot.com.

Reflektim/Diskutim Pyetje

Cili mund të ketë qenë ndikimi i Steve Jobs-it në jetën tënde, direkt ose tërthorazi?
Ç’mund të thuhet për të tjerë njerëz që njeh në lidhje me ndikimin e ideve të Steve Jobs-it tek ata?
Individë të tillë si Jobs-i janë të rrallë në botë, por cilat nga “rregullat e tij të suksesit” përbëjne ndihmë konkrete për ty?
Ka një thënie: Çdo e vërtetë është e vërteta e Perëndisë”. Thënë ndryshe, të vërtetat dhe parimet e shëndosha egzistojnë sepse kështu i ka krijuar Zoti. A pajtohesh me këtë thënie? Pse ose pse jo?

SHËNIM: Po ta kesh Biblën, shiko edhe pasazhet e mëposhtëme që lidhen me këtë temë:
Fjalë të Urta 1:7,20-33, 11:30, 13:20, 14:23, 16:26; Predikuesit 9:10; Gjoni 18:37-38; Romakëve 12:11

“TË ECËSH MBI TEL” NË VENDIN E PUNËS

noreply@blogger.com (albaniashalom) — Mon, 23 Jan 2012 22:09:00 +0000

MANNA E SË HËNËS
23 Janar, 2012

Nga Dr. Rick Warren

A keni dëgjuar ndonjëherë për Jean-François Gravelet? Ai jetoi nga viti 1824 deri në 1897, përdorte si pseudonim emrin Blondin dhe ishte i mirënjohur në botë si akrobati i famshëm nga Londra që ecte mbi litar. Blondini kaloi disa herë mbi ujërat e vrullshme të kataraktit të Niagarës pranë Nju Jorkut, duke ecur në një litar 1,100 këmbë të gjatë, në një lartësi prej 160 këmbësh. Ai kryente numra shumë të rrezikshme mbi litar, ecte me sy të mbyllur, i futur në një thes, duke shtyrë një karrocë, duke mbajtur pesha, madje duke pasur edhe një person tjetër në kurriz.

Vërtet, ne nuk bëjmë të tilla gjëra, por të punosh sot, në shekullin e 21, në një vend pune, është më stresuese se të ecësh në litar mbi katarakt. Duhet mbajtur ekuilibri midis etikës së punës dhe fitimit, midis familjes dhe bashkëpunëtorëve, paqartësive financiare dhe ekonomike, duhet të nisesh vazhdimisht drejt së panjohurës në fushën e prodhimeve dhe shërbimeve të reja.

Kur lexoj për Blondinin, më vjen ndër mend një burrë, i cili ndërmori një mision vdekjeprurës. Emri i tij është Pjetër. Mund t’ju kujtohen pasazhet e Biblës ku tregohet se si Pjetri dhe dishepujt e tjerë të Jezusit ndodheshin në një varkë të vogël, në mes të një stuhie të fortë. Papritur ata panë Jezusin të ecte mbi ujë. Pjetri e pyeti, “Zot, po qe se je ti…më thuaj që të vij pranë teje përmes ujit” (Mateu 14:28). Përgjigja e Jezusit ishte e thjeshtë: ‘Eja.” Po kur Pjetri pa dallgët e mëdha u tmerrua e po mbytej.”Më shpëto o Zot!” thirri ai. (Mateu 14:30).

Unë nuk besoj se ne të gjithë do të ndërmerrnim të njëjtin veprim. A ia ke hyrë ndonjëherë ndonjë projekti me mendimin se ke marrë një vendim të drejtë dhe papritur gjithçka të përmbyset?

Simon Pjetri kreu shumë vepra gjatë jetës së tij, por episodi i ecjes mbi ujë ishte ndër më të famshmit. Nuk ishte rreziku i rënies nga litari dhe përplasjes mbi shkëmbinj, por mbytja e menjëhershme. Duke u ndodhur në pamundësi totale për rrugëdalje, Pjetri gjeti forcë në urdhrin e Zotit: “Eja.” Për pak çaste Pjetri ishte krah Zotit në sfidimin e ligjeve të natyrës.

Pastaj, në katër të mëngjesit, gjithçka sikur mori fund. Në një çast Pjetri, me sytë nga Jezusi, po ecte mes stuhisë; pak më vonë ai u zhyt në të. I lagur deri në palcë Pjetri u shpëtua nga Jezusi. Ai mësoi një të vërtetë të rëndësishme: Shenjti nuk është ai që s’gabon kurrë, shenjti është ai që me besim te Perëndia ngrihet sërish sa herë që rrëzohet.

“O Zot, më shpëto!” Fjalët e Pjetrit qenë të pakta; ai nuk kishte kohë as t’i mendonte gjatë dhe as t’i radhiste bukur. Por kjo ishte edhe mënyra më e thjeshtë dhe më e drejtpërdrejtë që ato fjalë të preknin zemrën e Perëndisë.

Ku gaboi Pjetri? Ai u ndëshkua: Jo se guxoi, por se dyshoi. Jo për dështimin, por për lëkundjen. Jo për mungesën e kurajës, por për mungesën e besimit.

Ti nuk je as Blondini dhe as Pjetri, por ti mund ta gjesh papritur veten në rrethanat e sotme të frikshme në punë, në terrin e natës, me erën e stuhisë që të vjen përballë. Mos i mat dallgët, mos shiko shpejtësinë e erës, mos iu frigo rrezikut dhe mbi të gjitha mos iu nënshtro rrethanave sado mbytëse qofshin ato.

Bibla ofron këtë këshillë: “Mbaji sytë nga Jezusi, udhëheqësi dhe mësuesi ynë…po deshe që të mos ndjehesh zemërthyer dhe i sfilitur…” (Hebrejve 12:1-3).

CBMC INTERNATIONAL:
President: Jim Firnstahl,
1065 N. 115^th Street, Suite 210 ▪ Omaha, Nebraska 68154 ▪ U.S.A.
TEL.: (402) 431-0002 ▪ FAX: (402) 431-1749 ▪ E-MAIL: info@cbmcint.org
Për pyetje ose kërkesa drejtohuni te : www.cbmcint.org

Reflektim/Pyetje Diskutime

A kishe dëgjuar më parë për akrobatin Blondin? Cfarë mendon se i shtyn njerëzit si ai, si p.sh, familjen e fluturuesve “Wallandellas” nga Gjermani, që të guxojnë kaq shumë?
Cilët janë “litarët e ekuilibrit” që gjen në vendin ku punon. Si ia bën me ta?
Ç’mendim ke për vendimin e dishepullit të Jezusit, Pjetrit që të hynte në ujë. Ishte akt instiktiv, akt besimi apo të dy së bashku? Shpjegoje përgjigjen.
Dr. Warren thekson, “Shenjti nuk është ai që s’gabon kurrë, shenjti është ai që me besim te Perëndia ngrihet sërish sa herë që rrëzohet.” Cili është qëndrimi yt ndaj këtij pohimi?

SHËNIM: Po ta kesh Biblën, shiko edhe pasazhet si më poshtë që lidhen me këtë temë:

Jozueu 1:5-9; Psalme 23:4; Isaia 26:3, 41:10; Jeremia 29:11, 33:3; Hebrejve 11:1, 13:5

SI TA DASHUROSH PUNËN

noreply@blogger.com (albaniashalom) — Mon, 16 Jan 2012 11:44:00 +0000

MANNA E SË HËNËS
16 Janar, 2012

Nga: Robert J. Tamasy

Janë fatlumë ata që bëjnë punët që u pëlqejnë, por, sipas studimeve, shumica dërrmuese e njerëzve nuk i pëlqejnë aspak, madje i urrejnë punët e tyre, duke i bërë ato “hatër bela”, thjesht sa për të fituar të ardhurat e nevojshme për jetesë. A je ti një prej tyre?

A do të pëlqente që të kishe mundësinë për të thënë me sinqeritet të plotë, “unë e dashuroj punën time!”? Sa mirë do të ishte sikur ta filloje çdo ditë me dëshirën e madhe për t’u përballur me sfidat dhe problemet që do të ofrojë puna dhe jo me bezdi dhe ankth? “Në rast se nuk na pëlqen mund të ndërrojmë vend pune”, mund të thonë disa. Ndoshta kanë të drejtë, por kohët e fundit dëgjova një histori intriguese që tregonte se një vend pune i ri nuk do të thotë medoemos se atë punë ti do ta dashurosh.

Në takimin e një grupi vullnetarësh që ndihmojnë të sëmurët me kancer (ime shoqe e ka kaluar këtë sëmundje), një grua po tregonte për një person që e kishte njohur gjatë kohës kur shkonte për kurim në spital. Fjalën e kishte për një punonjëse të parkingut te spitalit që ndihmonte të sëmurët të shkonin nga parkingu në pavijonin përkatës. “Ishte grua e mrekullueshme” tha ajo. “E donte me të vërtetë punën që bënte dhe tregonte dashuri për të gjithë ne, pacientët. Gjithmonë na priste më buzëqeshje dhe na thoshte fjalë inkurajuese.”

“Më bëri përshtypje të madhe,” vazhdoi diskutantja në takim. “Ishte aty përditë, në vapë e në të ftohtë, duke i përshëndetur pacientët me përzemërsi e duke i mbushur me optimizëm.”

Në fakt, diskutantja ishte administratore e një OJF-je dhe mendoi se gruaja e parkingut ishte personi ideal për të punuar në recepsionin e OJF-së. Nuk vonoi dhe ia bëri propozimin, por gruaja e parkingut, me atë buzëqeshjen e saj të zakonshme e plot edukatë, e refuzoi. Ajo i tha se nuk do ta braktiste kurrë punën që bënte, dhe jo për shkak se kishte ndonjë pagë kushedi, porse e ndjente se aty e gjente mirë veten. Çdo ditë mezi priste të gjendej te parkingu për të ofruar fjalët e saj inkurajuese, për t’i dhënë dikujt buzëqeshjen që i mungonte, për të hedhur një reze shprese te dikush tjetër që kishte rënë në dëshpërim. Thënë ndryshe, ajo e shikonte punën e saj si “shërbesë”.

Sa mirë do të ishte sikur edhe ne të bënim të njëjtën gjë, ta konsiderojmë punën si shërbesë dhe jo thjesht si burim të ardhurash! Po si t’ia arrijmë kësaj, sidomos në kushtet e sotme jo fort të favorshme? Ja si na këshillon Bibla:

Fokusohu te pozitivja. Padyshim, puna e gruas së parkingut ka plot aspekte të pakëndshme që ajo do të donte t’i evitonte, por gruaja në fjalë ka ditur të fokusohet te shërbesa ndaj të tjerëve dhe ta gjejë aty sadisfaksionin e përditshëm. “Së fundi vëllezër, të gjitha gjërat që janë të vërteta, të gjitha gjërat që janë të drejta, të gjitha gjërat që janë të pastra, të gjitha gjërat që janë të dashura, të gjitha gjërat e mira, nëse ka ndonjë virtyt dhe nëse ka ndonjë lëvdim, këto kërkoni” (Filipjanëve 4:8).

Mbaj gjithmonë parasysh se kujt i shërben në fund të fundit. Qëllimi i punës është që të kontribuojmë në diçka shumë më të madhe e të rëndësishme se vetvetja. Shekuj më parë, dikush pa një murator dhe e pyeti nëse ndihej i lodhur nga puna që bënte. “Jo,” u përgjigj muratori, “sepse po punoj për ndërtimin e një katedraleje.” “Ju shërbëtorë binduni në çdo gjë zotërinjve tuaj të kësaj bote…Dhe çdo gjë që bëni, ta bëni me dëshirë të mirë, si për Zotin, dhe jo si për njerëzit,duke ditur se nga Zoti do ta merrni shpërblimin” (Kolosianëve 3:22-24).

Robert J. Tamasy është nënpresident për Komunikimin i Leaders Legacy, Inc., një shoqatë jo fitimprurëse me bazë në Atlanta, Georgia, U.S.A. Veteran në gazetarinë profesioniste prej më shumë se 38 vjetesh, ai eshte autor i librit Business At Its Best: Timeless Wisdom from Proverbs for Today’s Workplace (River City Press) dhe është bashkautor me David A. Stoddard në veprën The Heart of Mentoring: 10 Proven Principles for Developing People to Their Fullest Potential (NavPress). Për më shumë informacion shiko www.leaderslegacy.com ose blogun e tij, www.bobtamasy.blogspot.com.

Reflektim/Diskutim Pyetje

Çdo punë ka të metat e saj, megjithatë ka shumë njerëz që e dashurojnë punën që bëjnë. Njeh ndonjë të tillë? Çfarë e shtyn atë njeri që ta nisi ditën me entuziazëm për punën?
Çfarë qëndrimi mban ti ndaj punës dhe cilat janë arsyet për atë qëndrim?
Si e kupton shprehjen “ta shohësh punën si shërbesë”?
A të duket se pasazhet e cituara nga Bibla ndihmojnë për të adoptuar një qëndrim të ri ndaj punës. Shpjegoje përgjigjen.

SHËNIM: Për më tepër në lidhje me këtë temë shiko edhe:

Fjalë të Urta 12:11, 13:9, 22:11; Predikuesit 9:10; Luka 6:27-31; Veprat e Apostujve 20:35; Jakobi 2:14-17

PARIMI: ZOTËRIA - SHËRBËTOR

noreply@blogger.com (albaniashalom) — Sun, 08 Jan 2012 23:12:00 +0000

MANNA E SË HËNËS
9 Janar, 2012

Nga Randal Walti

Mund të duket e habitshme por, pavarësisht nga sa thuhet për suksesin e drejtimit “nga poshtë lart” të praktikuar nga disa kompani gjatë viteve ’80, mënyra tradicionale e menaxhimit të bizneseve mbetet po e njëjta si në SHBA ashtu edhe gjetkë.

Një numër i madh specialistësh të menaxhimit dhe lidershipit e kanë kritikuar rëndë sistemin menaxherial “nga lart poshtë” që ka mbizotëruar ne biznes që prej viteve 1950. Megjithatë pak ndryshime janë bërë. Ka ardhur koha që praktikat e dikurshme të ndryshojnë rrënjësisht, nga “lart-poshtë”, në drejtimin “poshtë-lart”.

Pse u dashka kaq kohë që të kuptohet se njerëzit janë më të rëndësishëm se numrat? Që, në rast se sillemi ashtu siç duhet me punonjësit dhe klientët tanë, morali përmirësohet dukshëm, prodhimi fuqizohet dhe biznesi lulëzon; që kapitali më i rëndësishëm janë ata punonjës që ndodhen më pranë veprimit dhe që janë të ndërgjegjshëm për objektivat e kompanisë?

A nuk ju kërshëron fakti se fjala “lidership” përmendet në Bibël vetëm 6 herë, kurse fjala “shërbëtor” përmendet 46 herë vetëm në librin e Zanafillës në Testamentin e Vjetër?

Fjala “shërbëtor” në Testamentin e Vjetër dhe fjala “shërbesë” në Testamentin e Ri (sipas të cilave duhet ta konceptojnë veten e tyre drejtuesit dhe pronarët e bizneseve që nderojnë Jezu Krishtin) janë shumë afër idesë së “rremtarit nën kuvertë”. Në të kaluarën, për të shmangur vdekjen nga vapa, tavanet e anijeve bëheshin prej shufrash metalike poshtë të cilave vozisnin rremtarët skllevër. Të lidhur në vendet e tyre të vozitjes ata nuk iu shmangeshin dot mbeturinave që iu binin mbi kokë kur pastrohej kuverta e anijes.

Ndonëse e zymtë, kjo tablo flet për kulmin e përulësisë së një shërbëtori. Ata që i shërbejnë Perëndisë, autoritetit më të lartë, nuk presin që t’iu shërbehet, por që të shërbejnë, pavarësisht se çfarë gjërash të pakëndshme mund t’iu ndodhin gjatë shërbimit. Çuditërisht, është kjo vetia që i bën liderat të besueshëm dhe të respektuar nga punonjësit e tyre.

Ja disa nga mendimet që ofron Bibla në lidhje më shërbesën dhe lidershipin:

Shërbesa i paraprin madhështisë tënde shpirtërore. “Ai nga ju që do të dojë të bëhet i madh, duhet të jetë shërbëtori juaj, dhe kushdo nga ju që do të dojë të jetë i pari, duhet të jetë skllavi i të gjithëve.” (Marku 10:43-44).

Udhëheqësia kërkon që të kujdesesh në radhë të parë për të tjerët. “Përkushtojuni njeri tjetrit me dashuri vëllazërore. Nderoni njëri tjetrin përmbi veten tuaj” (Romakëve 12:10). “Asnjeri të mos kërkojë interesin e tij, por atë të të tjerëve” (1 Korintasve 10:24).

Përulësia është cilësi kryesore e udhëheqësit. “Dhe më i madhi prej jush le të jetë shërbëtori juaj. Sepse, kush do të lartësojë veten, do të poshtërohet; dhe kush do ta përulë veten, do të lartësohet” (Mateu 23:11-12). “Më mirë të kesh frymë përulësie me të mjerët se sa të ndash pré me krenarët” (Fjalë të Urta 16:19).

Liderat e vërtetë njohin mirë vlerat e tyre dhe të të tjerëve. “Duke pasur dhunti të ndryshme, sipas hirit që na u dha…ai që nxit le t’i kushtohet nxitjes, ai që ndihmon të tjerët le të japë me bujari, ai që kryeson, le të qeverisë me zell.” (Romakëve 12:6-8).

Adaptuar me leje nga një artikull Randal Walti-it, konsulent biznesi që jeton në Melbourne, Florida, U.S.A. Është autor i e-mail newsletter, “Business Life Today.” Vebsajti i tij është www.buslifetoday.com.

CBMC INTERNATIONAL: Jim Firnstahl, President
1065 N. 115^th Street, Suite 210 ▪ Omaha, Nebraska 68154 ▪ U.S.A.
TEL.: (402) 431-0002 ▪ FAX: (402) 431-1749 ▪ E-MAIL: info@cbmcint.org
Për pyetje dhe kërkesa drejtohuni te: www.cbmcint.org

Reflektim/Diskutim Pyetje

Cili është stili i menaxhimit atje ku punon, nga lart poshtë apo nga poshtë lart? Si e shikon këtë në jetën e përditshme?
Mr. Walti thekson se udhëheqësit e vërtetë duhet ta konsiderojnë veten shërbëtorë. A pajtohesh me të? Pse ose pse jo?
Pse shumë lidera mendojnë se vartësit e tyre egzistojnë vetëm për t’u shërbyer atyre dhe jo të kundërtën?
A mendon se liderat mund ta shfaqin përulësinë para vartësve të tyre? A mendon se t’u shërbesh të tjerëve me përulësi e dëmton rolin e udhëheqësit? Shpjegoje përgjigjen.

SHËNIM: Po ta kesh Biblën dhe dëshiron të dish më shumë për këtë temë, shiko vargjet si më poshtë:
Fjalë të Urta 12:9, 15:33, 18:12; Mateu 5:16, Marku 10:45; Gjoni 10:11-18; Filipjanëve 2:3-4; 1 Pjetri 5:5-6

KËSHILLË PËR ARROGANTËT

noreply@blogger.com (ardi kule) — Mon, 02 Jan 2012 10:55:00 +0000

MANNA E SË HËNËS
2 Janar, 2012

Nga Rick Boxx

Një studim i cituar nga revista periodike prestigjioze e biznesit Wall Street Journal, tregon se, kur marrin vendime, njerëzit që mbajnë poste të larta i nënvleftësojnë këshillat e vartësve të tyre. Studimi tregon gjithashtu se vendimet finale të tyre shpesh janë më pak efektive se ç’mund të ishin në rast se sa do t’i kishin marrë parasysh këshillat e të tjerëve.

Arsyeja kryesore për mospërfilljen e këshillave qëndron te vetëbesimi i tepruar i këtyre liderëve, gjë që ndryshe quhet arrogancë. “Askush nuk është më i ditur se unë ,” mendojnë ata. Në disa raste liderët nuk kërkojnë këshillat e të tjerëve sepse kanë frikë se mos duken si ‘të dobët” ose të paaftë për të përmbushur përgjegjësitë që kanë. Iu duket se humbasin kontrollin mbi situatat. A keni hasur në njerëz të tillë?

Është interesant fakti se studimi në fjalë zbulon se femrat janë më të predispozuara që të marrin këshilla se sa meshkujt. Duket se meshkujt, teksa ngjiten në majat e larta të hierarkisë, bëhen më arrogantë dhe iu rritet tej mase besimi te vetja. Besimi në forcat e tua është gjë e mirë, por vetëbesimi i tepruar çon në humbjen e vigjilencës për kontroll ndaj vetes dhe në shkatërrim.

Ndoshta femrat e dinë me intuitë atë që meshkujt kanë për tendencë ta harrojnë shpejt: faktin se edhe njeriu më i mençur ka nevojë për këshilla. Megjithatë, nuk duhet ndonjë intuitë e veçantë që të kuptohet se është e nevojshme këshilla e të tjerëve për të marrë vendime me efektivitet të lartë. Bibla e përsërit këtë shumë herë. Ja disa shembuj:

Rreziku i vendimeve të precipituara. “Unë e kam ndarë mendjen. Mos më ngatërroni me ide të tjera!” Nganjëherë kjo është qasja që bëjmë kur marrim vendime, qasje që tregon se duam të bëjmë atë që duam dhe në mënyrën se si e mendojmë ne, pavarësisht se vartësit dhe bashkëpunëtorët na këshillojnë të bëjmë ndryshe. Fjalët e Urta 12:15 e përshkruajnë kështu këtë situatë: "Rruga e vet i duket e drejtë budallait, por ai që dëgjon këshillat është i mençur."

Problemi i të vepruarit në izolim. Krenaria është problem më vete që na mundon në një mënyrë ose në një tjetër. Shpesh krenaria na bën të mos kërkojmë të mbështetemi te të tjerët. Kjo çon në dështim e shkatërrim. Prandaj te Predikuesit 4:10-11 thuhet: “Nëse rrëzohen, njeri ngre tjetrin, por mjerë ai që është vetëm dhe rrëzohet sepse nuk ka kush ta ngrejë…Nëse dy vetë flenë bashkë ata kanë mundësi që të ngrohen, por ai që është vetëm, si do t’ia bëjë që të ngrohet?”

Çmimi për besimin tek të tjerët. Kur ne marrim mendimin e të tjerëve, jo gjithmonë ata na thonë atë që ne duam të dëgjojmë. Por këndvështrimet e ndryshme dhe zgjidhjet alternative ndaj problemeve që kemi, japin gjithmonë rezultate më të mira. “Pa udhëheqje populli rrënohet, por shumë këshilltarë garantojnë fitoren” (Fjalë të Urta 11:14). “Planet dështojnë për mungesë këshillimi, por realizohen kur ka një mori këshilltarësh” (Fjalë të Urta 15:22).

Forca e punës në grup. Numrat kanë rëndësi, prandaj urtësia popullore na kujton vlerat e punës në grup ku ndahen talentet dhe përvojat e shumë vetëve për realizimin e një qëllimi të përbashkët. “Dhe le të kujdesemi për njeri tjetrin për t’u nxitur për dashuri dhe vepra të mira” (Hebrejve 10:24).

Copyright 2010, Integrity Resource Center, Inc. Adaptuar me lejen e "Integrity Moments with Rick Boxx," komente mbi cështje të integritetit moral në biznes nga këndvështrimi i krishterë. Për të mësuar më shumë mbi Inegrity Resource Center ose për t’u regjistruar tek shërbesa e përditshme e Rick-ut “Integrity Moments”, vizito www.integrityresource.org. Libri i tij me titull “Si të rritësh biznesin pa sakrifikuar integritetin” është një qasje me frymë biblike ndaj të bërit biznes sipas moralit të krishterë.

CBMC INTERNATIONAL: President: Jim Firnstahl.

1065 N. 115^th Street, Suite 210 ▪ Omaha, Nebraska 68154 ▪ U.S.A.

TEL.: (402) 431-0002 ▪ FAX: (402) 431-1749 ▪ E-MAIL: info@cbmcint.org

Për cdo pyetje drejtohuni tek: www.cbmcint.org

Reflektim/Diskutime Pyetje

A pajtohesh me mendimin se refuzimi për të pranuar këshillat e të tjerëve përbën shfaqje të arrogancës? Pse, ose pse jo?
Kur je para ndonjë problemi të vështirë ose para marrjes së një vendimi të rëndësishëm a të shkon mendja që të këshillohesh me të tjerë njerëz? Shpjegoje përgjigjen.
A ke punuar ndonjëherë nën urdhrat e ndonjë shefi arrogant? Si je ndjerë kur ke parë se ai i ka shpërfillur mendimet e të tjerëve dhe për këtë shkak ka marrë vendime të gabuara?
Në ç’mënyrë do ta edukosh veten që të jesh më i hapur ndaj këshillës së të tjerëve. Në rast se është e vërtetë që femrat janë më të hapura ndaj këshillës se sa meshkujt, pse mendon se ndodh kjo?

SHËNIM: Po ta kesh Biblën dhe dëshiron të lexosh edhe më shumë për këtë temë, shiko pasazhet si më poshtë:

Fjalë të Urta 19:20,27, 20:18, 24:5-6, 27:17; Predikuesit 4:9,12; 2 Timoteut 2:2-7; Jakobit 1:5-7

A MUND TË BËSH NJË ‘MULLIGAN’ – NJË PËRSËRITJE?

noreply@blogger.com (albaniashalom) — Mon, 26 Dec 2011 21:41:00 +0000

MANNA E SË HËNËS
26 Dhjetor, 2011

Nga Robert J. Tamasy

Megjithëse nuk jam lojtar golfi, më tërheq së tepërmi një aspekt i kësaj loje: ajo që quhet “mulligan”. Në ndeshjet miqësore të golfit nganjëherë lojtarët lejohen që të gjuajnë sërisht një top, gjë që ndryshe quhet “të bëjnë një mulligan”. Mulligani bëhet me lejen e lojtarit kundërshtar për të përsëritur ndonjë goditje të gabuar. Sido që të jetë, në një aspekt më të përgjithshëm, mulligani është një mundësi e dytë për të korrigjuar një gabim të caktuar.

Do të ishte mirë që, herë pas here, jeta të na ofronte mulliganë të tillë për të rivlerësuar një veprim a vendim që nuk ka pasur pasojat e dëshiruara. Sigurisht që do të ishte diçka e bukur!

Teksa po mbyllet ky vit kalendarik, ti mund të duash që të të jepet mundësia për një “mulligan” për të ribërë diçka që s’të ka pëlqyer ashtu siç e ke bërë më parë: për një vendim financiar të gabuar, për një marrëdhënie të prishur, për një strategji ekonomike të dështuar ose për një rast

të pashfrytëzuar. “A ka mundësi ta ripërsëris?” do pyesje veten.

Fatkeqësisht, të paktën për sa kohë ndokush nuk ka shpikur “makinën e kohës”, ne nuk mund t’i kthejmë gjërat mbrapsht. Jeta nuk na ofron mulliganë. Na duhet të përballemi me pasojat e veprimeve dhe vendimeve tona të gabuara, ashtu sikurse të korrim frytet e atyre që i kemi bërë mirë. Megjithatë, ndërsa një vit po mbaron dhe një tjetër përgatitet të fillojë, ne kemi mundësi që të bëjmë një “bilanc vjetor”, për të parë se çfarë e kemi bërë mirë dhe çfarë e kemi bërë keq gjatë 12 muajve të shkuar.

Nëpërmjet një vështrimi retrospektiv, ne shohim qartë në të shkuarën. Retrospektiva është e dobishme në rast se i japim mundësinë vetes që të mësojmë nga e kaluara në mënyrë që të marrim vendime më të mençura për të ardhmen. Por vështrimi retrospektiv është i dëmshëm në rast se mbetemi robër të së kaluarës duke vajtuar për gabimet që nuk i zhbëjmë dot më. Prandaj, teksa u gëzohemi arritjeve tona gjatë vitit të kaluar dhe përpiqemi të çlirohemi nga gabimet që kemi bërë, mirë është të kemi parasysh disa parime që dalin prej letrave të shkruara nga apostulli Pal e që ndodhen në Bibël:

Mos u shpërqendro. Sot njerëzit kënaqen kur marrin mbi shpinë disa detyra njëherësh, por, sikurse thotë një fjalë e urtë, po u more me shumë zanate nuk bëhesh mjeshtër në asnjërin prej tyre. Merru me atë që di të bësh më mirë. Aty përqendrohu. “Duro pjesën tënde të vuajtjeve si një ushtar i mirë i Jezu Krishtit. Sepse asnjë nga ata që shkojnë ushtarë nuk ngatërrohet me punët civile - ai kënaq vetëm komandantin e tij.” (2 Timoteut 2:3-4).

Fokusohu në qëllimin kryesor. Pse je këtu (në këtë botë)? Cili është qëllimi i ekzistencës tënde? Këto pyetje të çojnë drejt fokusit të duhur. “Jo se unë tashmë e fitova ‘çmimin’ dhe jam bërë i përsosur, por po vazhdoj të rend për të kapur atë në të cilën Jezusi më kapi mua’” (Filipjanëve 3:12).

Shiko gjithmonë para, jo pas. Një vrapues që e mban vazhdimisht kokën pas, nuk mund të vrapojë drejt. Po ashtu, në rast se ne shohim për nga e kaluara dhe nuk fokusohemi te ajo që na rezervon e ardhmja, ka shumë gjasa që të shmangemi nga objektivi kryesor. Më së paku, ritmi ynë i ecjes në jetë do të ngadalësohet “…Por një gjë e bëj: harroj ato që kam lënë pas dhe prirem drejt atyre që janë para” (Filipjanëve 3:13).

Mbaj gjithmonë në shënjestër objektivin e dëshiruar. Një dështim nuk do të thotë fund i gjithçkaje; ai mund të na bëhet mësim për të ardhmen dhe ndihmë në arritjen e suksesit. “Po rend drejt synimit për të fituar çmimin për të cilin Perëndia më ka thirrur drejt qiellit në Krishtin Jezus” (Filipjanëve 3:14).

Robert J. Tamasy është nënpresident për Komunikimin i Leaders Legacy, Inc., një shoqatë jo fitimprurëse me bazë në Atlanta, Georgia, U.S.A. Veteran në gazetarinë profesioniste prej më shumë se 38 vjetesh, ai eshte autor i librit Business At Its Best: Timeless Wisdom from Proverbs for Today’s Workplace (River City Press) dhe është bashkautor me David A. Stoddard në veprën The Heart of Mentoring: 10 Proven Principles for Developing People to Their Fullest Potential (NavPress). Për më shumë informacion shiko www.leaderslegacy.com ose blogun e tij, www.bobtamasy.blogspot.com.

Reflektim/Diskutim Pyetje

Në rast se do të kishe mundësinë për të bërë një “mulligan”, të ndryshoje një gjë nga ato që ke bërë gjatë vitit të kaluar, cila do të ishte ajo dhe pse do të deshe ta ndryshoje?
Si e pret zakonisht ndërrimin e viteve? A bën bilance, bën plane, vendos objektiva? Si të ndihmojnë konkretisht këto gjëra?
A të ka qëlluar që të mbetesh rob i së kaluarës për një kohë të gjatë? Në rast se po, çfarë efekti ka pasur tek ty aftësia për të shikuar drejt së ardhmes me plane dhe objektiva të reja?
Bibla thekson: “Prandaj nëse dikush është në Krishtin, ai është një krijesë e re; e vjetra shkoi e vate, ka ardhur e reja” (2 Korintasve 5:17). Ç’kuptim kanë për ty këto fjalë në lëmin shpirtëror dhe profesional?

SHËNIM: Po ta kesh Biblën dhe dëshiron të shohësh edhe pasazhe të tjerë që lidhen me këtë temë, referohu si më poshtë:

Psalme 40:3; Fjalë të Urta 3:9-10; Isaia 43:18-19; Ezekieli 18:30-31; Mateu 9:16-17

DRITË PËR MJEDISET E PUNËS QË SHPESH JANË TË ERRËT.

noreply@blogger.com (albaniashalom) — Mon, 19 Dec 2011 10:00:00 +0000

MANNA E SË HËNËS
19 Dhjetor, 2011

Nga Robert J. Tamasy

Në këto ditë fundviti në qendrën tënde të punës ndoshta janë bërë disa zbukurime. Pjesë e dekorit të këtyre ditëve festive janë dritat: drita shumëngjyrëshe në pemën e Krishtlindjes; drita vezulluese që zbukurojnë shtëpitë, dyqanet e rrugët; qirinj mbi tryeza e pragje dritaresh… Për disa fundviti është një “festival dritash”…

Për disa të tjerë, dritat janë thjesht një traditë e këndshme. Në prag të fundvitit, kur në Hemisferën Veriore netët janë të gjata, dritat shërbejnë për të ndriçuar jo vetëm ato (netët), por edhe ditët e shumta gri që pasojnë njëra tjetrën.

Për besnikët e Jezu Krishtit dritat lidhen me ngjarjet e Krishtlindjes së parë, sidomos me “yjet e Lindjes”, të cilët ndiqeshin nga të urtët, që quheshin Magi, për të kryer adhurimin e fëmijës Krisht. (Mateu 2:1-12).

Për të gjithë ata që besojnë te Jezusi, drita përfaqëson shumë më tepër se yllin e Lindjes. Te Mateu 4:16, në Testamentin e Ri, përsëritet profecia e Testamentit të Vjetër, që përshkruhet kështu te Isaia 9:2: “Populli që ecte nëpër terr pa një dritë të madhe; mbi ata që banonin në vendin e hijes së vdekjes feksi një dritë.” Në këto pasazhe Jezusi mishëron “dritën”. Dhe gjatë shërbesës së tij tre vjeçare në tokë, Jezusi deklaroi: “Unë jam drita e botës, kush më vjen pas nuk do të ecë në errësirë, por do të ketë dritën e jetës” (Gjoni 8:12).

Por cila është domethënia e kësaj “drite” për ne që duam të zhvillojmë karierën tonë në shekullin e 21-të? Ja disa mësime nga Bibla:

Drita e Krishtit premton jetën. Shumë njerëz bazohen te profesioni që të plotësojnë dëshirat dhe nevojat e tyre materiale. Por shpesh ata bien në grackën e këtij proçesi, i cili, në thelb, nuk i çon asgjëkundi. Në vend që të kujdesen për të bërë një jetë sa më luksose, ata duhet të sigurojnë vetëm një jetesë të thjeshtë e normale sepse Jezusi u ka premtuar besnikëve të tij se do t’i japë një qëllim dhe një kuptim jetëve të tyre krahas sigurimit të nevojave të tyre të përditëshme. “Në Atë ishte jeta dhe jeta ishte drita e njerëzve.” (Gjoni 1:4). “Jezusi tha, ‘Unë jam udha, e vërteta dhe jeta; askush nuk vjen te Ati përveçse nëpërmjet meje.’” (Gjoni 14:6).

Drita e Jezusit ofron lirinë prej errësirës. Mjediset e punës po bëhen gjithnjë e më të zymta. Kthetrat e krizave ekonomike kanë kapur shpresat për të ardhmen. Afatet dhe planet e punës po sfidojnë bindjet dhe vlerat tona morale. Liderat, që dikur i admironim, po demonstrojnë anët e errta të karakterit të tyre. Jezusi na ka premtuar që të na japë dritën që do të na ndriçojë rrugën në këto shtigje të vështira.“Dhe drita shkëlqen në errësirë por errësira nuk e kuptoi…drita e vërtetë që ndriçon çdo njeri që vjen në botë.” (Gjoni 1:5,9).

Drita e Krishtit na jep drejtim. “Çfarë duhet të bëjmë?” “Nga të shkojmë?” “Si të çajmë përpara në momente të vështira?” Janë të shumta pyetjet që na mundojnë. Na duhet një udhëheqje e sprovuar. Jezusi i siguron besnikët e tij se do t’iu tregojë rrugën dhe do t’iu japë urtësinë e duhur kur ata t’i drejtohen Atij për ndihmë. “Fjala jotë është një llampë për këmbën time dhe një dritë në shtegun tim” (Psalme 119:105).

Duke festuar Krishtlindjen a je i vendosur që të “ecësh në dritë ashtu sikundër ndodhet në dritë Jezusi? “Të ecim në dritë sikurse Ai është në dritë.” (1 Gjoni 1:7)?

Robert J. Tamasy është nënpresident për Komunikimin i Leaders Legacy, Inc., një shoqatë jo fitimprurëse me bazë në Atlanta, Georgia, U.S.A. Veteran në gazetarinë profesioniste prej më shumë se 38 vjetesh, ai eshte autor i librit Business At Its Best: Timeless Wisdom from Proverbs for Today’s Workplace (River City Press) dhe është bashkautor me David A. Stoddard në veprën The Heart of Mentoring: 10 Proven Principles for Developing People to Their Fullest Potential (NavPress). Për më shumë informacion shiko www.leaderslegacy.com ose blogun e tij, www.bobtamasy.blogspot.com.

Reflektim/Diskutim Pyetje

Kur shikon dritat që vendosen për festa, çfarë mendimesh të vijnë në mend?
Cila është për ty domethënia e deklaratës së Jezu Krishtit se ai është “drita e botës”
Sipas përvojës në punën që bën – a po “jeton” ashtu sikundër ke dashur të jetosh - apo ndjen se vetëm po “egziston” mes streseve dhe shqetësimeve të jetës së përditëshme. Shpjegoje përgjigjen.
A e ke vënë re se marrëdhënia jote me Jezusin të ka ndriçuar për të gjetur udhëheqjen e domosdoshme për zhvillimin e karrierës tënde dhe për marrjen e vendimeve të rëndësishme? Në rast se po, në ç’mënyra?

SHËNIM: Po ta kesh Biblën dhe dëshiron të lexosh edhe pasazhe të tjerë që kanë lidhje me këtë temë, referoju atyre si më poshtë:

Psalme 36:9, 119:130; Isaia 58:6-10; Micah 7:8-9; Mateu 5:16; Luka 11:33-36; Gjoni 3:19-21

KËSHILLË: SHMANGI ORTAKËRITË

noreply@blogger.com (albaniashalom) — Mon, 12 Dec 2011 21:49:00 +0000

MANNA E SË HËNËS
12 Dhjetor, 2011

Nga Ken Korkow

Kam qenë me shumë fat që krijova marrëdhënie të suksesshme ortakërie me tre miq: Shan Burke, Don Smith dhe Ron Young. Statistikat tregojnë se vetëm një në 35 marrëveshje ortakërie ka sukses; të tjerat dështojnë. Duke u bazuar në këto shifra, kuptohet se ortakëria përgjithësisht nuk duhet inkurajuar. Pyetja që del është kjo: pse dështojnë kaq shpesh ortakëritë? Përgjigja është e thjeshtë: sepse problemeve që mund të lindin nuk u jepet zgjidhje që në fillim, para se të bëhen letrat dhe të shtrëngohen duart.

Ja disa parime bazë që duhen pasur parasysh para se të përfundohet një marrëveshje ortakërie:

Mos u ver në pozita të pabarabarta. Si fillim, Bibla na jep këtë paralajmërim të fuqishëm: "Mos u mprih nën zgjedhë me një jobesimtar; sepse ç’kanë të përbashkët drejtësia me paudhësinë? Dhe, çfarë afrie kanë drita me errësirën?" (2 Korintasve 6:14) Ashtu sikundër nuk do të mprihje nën të njëjtën zgjedhë kalin me kaun, ashtu edhe besnikët e Jezu Krishtit nuk duhet të lidhen ngushtë me ata që nuk janë ende të krishterë. Edhe nëse të dyja palët përbetohen se janë të krishterë, barazia nuk mund të quhet e vendosur. Një kalë pony nga Shetlanda dhe një kalë i racës klajdesdeil janë që të dy kuaj dhe, sigurisht që kanë shumë gjëra të përbashkëta, por ndryshojnë si nga madhësia e trupit ashtu edhe nga temperamenti. Ata nuk do të mprihen njësoj nën zgjedhë.

Po ndëshkimi? Edhe sikur të “mpriheni nën zgjedhë” në mënyrë të barabartë me dikë, mund të ndodhë që, për një arsye ose për një tjetër, njërin prej jush ta ndëshkojë Perëndia. Si do t’ia bëjë tjetri në këtë rast?

Cili është qëllimi i ortakërisë? Secila palë duhet të shkruajë të zezë mbi të bardhë se çfarë pret nga ortakëria. Pritshmëritë nuk duhet të jenë doemos të njëjta, por, të paktën, ato duhet të plotësojnë njëra tjetrën. Për shembull: Çfarë mund të ndodhë kur ka fitim? Po kur ka humbje? A mund të arrihen disa objektiva të përbashkëta edhe pa qenë e nevojshme të firmosen dokumente ortakërie?

Kush e ka autoritetin për të vendosur? Kur vjen puna për të marrë vendime të rëndësishme, cila është pala që ka fjalën e fundit? A je i gatshëm t’ia nënshtrosh autoritetin tënd personit tjetër?

Çfarë tipash janë secili nga ortakët? Ju mund të jeni miq dhe të ndani mendime të njëjta për shumë gjëra, por nëse tipat tuaj dhe stilet e punës janë të ndryshëm, konflikti është i pashmangshëm.

A bini dakord për parimet biblike? Në rast se në ortakëri lindin mosmarrëveshje për çështje nga më të ndryshmet, cilat do të ishin mekanizmat e zgjidhjes së tyre? A jeni dakord që ta përdorni Biblën dhe parimet e saj të të bërit biznes për të zgjidhur konfliktet?

Shkruajini të gjitha hollësitë e bashkëpunimit. Thuhet se një laps i shkurtër është më i mirë se një kujtesë e gjatë. Bëja të qartë partnerit se të gjitha gjasat e mundshme duhen parashikuar në letër. Duhen parashikuar divorci, tetraplegjia, mospërputhja e interesit, vdekja, borxhi dhe rastet e mungesës së transparencës nga njëra ose tjetra palë.

GJITHMONË bëj marrëveshje të tipit shit-blerje. Kjo është një lloj marrëveshje të cilën mund ta ekzekutojë secila nga palët në çdo kohë. Në rast se ortakëria nuk funksionon, gjithsekush mund të shkojë në punën e vet pa shkaktuar probleme.

Përfshije bashkëshorten në këtë proces. Duke qenë se jam një tip që nuk ia përtoj t’iu futem risqeve, nuk para e përfshija time shoqe në çështjet e biznesit. Në fakt, unë kam përvojë të gjatë si dhe një gradë shkencore në menaxhimin e biznesit, kurse Liza, ime shoqe, është vetëm një mësuese. Por bëra shumë gabime derisa kuptova se, në çdo fazë të jetës, kam qenë praktikisht i partnerizuar me Perëndinë si “drejtues i biznesit” tim dhe me gruan time si “partner i barabartë”. Dhe pranova përfundimisht se ishte ajo që duhej të ushtronte “të drejtën e vetos” mbi vendimmarrjen. Fillimisht u tremba sepse, për shkak të vërejtjeve të shumta të Lizës, më dukej se nuk do të kisha më asnjë sukses në biznes, por dalëngadalë e kuptova se Perëndia e kishte pajisur me atë “radarin intuitiv” që mua më mungonte. Si rezultat, ne mundëm t’iu shmangeshim shumë partnerizimeve që do të kishin qenë të dëmshme për biznesin tonë.

Ken Korkow jeton në Omaha, Nebraska, U.S.A., ku shërben si drejtor rajonal i CBMC. Kjo pjesë është adaptuar nga shkrimet e rubrikës së tij të përjavshme me titull “Fax of Life”. Botohet me leje.

CBMC INTERNATIONAL: President James Firnstahl
1065 N. 115^th Street, Suite 210 ▪ Omaha, Nebraska 68154 ▪ U.S.A.
TEL.: (402) 431-0002 ▪ FAX: (402) 431-1749 ▪ E-MAIL: info@cbmcint.org
Kërkesat e ndryshme ose njoftimet për ndryshimin e adresave i njoftoni te www.cbmcint.org

Reflektime/Diskutime Pyetje

A je aktualisht i përfshirë në ndonjë ortakëri? A ke qenë më parë? Çfarë mësimesh ke nxjerrë?
Çfarë mendon për paralajmërimin biblik që të “mos mprihesh në zgjedhë” në mënyrë ta pabarabartë? A pajtohesh me këtë parim apo të duket si pengues për zhvillimin e biznesit? Shpjegoje përgjigjen.
Cilët nga parimet e tjerë biblikë të duket i dobishëm në lëmin praktik?
Reflekto mbi këshillën që jep Mr. Korkow për të përfshirë edhe bashkëshorten në vendimmarrjet kryesore për biznesin tënd. A të duket realiste kjo këshillë sidomos në rastin kur bashkëshortja nuk është specialiste e fushës së atij biznesi. Cilat mund të jenë avantazhet që dalin nga zbatimi i kësaj këshille?

Shënim: Po ta keni Biblën dhe dëshironi të lexoni pasazhe të tjerë që kanë lidhje me këtë temë, ju sugjerojmë si më poshtë:
Fjalë të Urta 12:15, 15:22, 19:20, 27:17; Predikuesit 4:9-12; Kolosjanëve 3:17,23-24

TË KËQIAT DHE TË MIRAT QË VIJNË NGA PASIGURIA

noreply@blogger.com (albaniashalom) — Mon, 05 Dec 2011 07:38:00 +0000

MANNA E SË HËNËS
5 Dhjetor, 2011

Nga: Rick Boxx

Shumë biznesmenë besojnë se një nga arsyet që ekonomia globale vazhdon të përpëlitet dhe ka pak gjasa që ta marrë veten është pasiguria. Taksat janë një barrë për këdo. Shumë tregues ekonomikë janë në rënie, kurse panorama politike në pjesën më të madhe të botës është plot të panjohura. Si pasojë, biznesmenët ngurrojnë të ndërmarrin iniciativa të reja, të hapin vende pune ose të futen në aktivitete me risk të lartë.

Nga një pikëpamje, qëndrimet e kujdesshme sjellin siguri. Dhe vërtet, a mund të vazhdohet përpara kur ve re se kushtet e ekonomisë nuk janë të favorshme? Në librin e Fjalëve të Urta, që ndodhet në Testamentin e Vjetër të Biblës, flitet shumë për kujdesin që duhet patur në çdo veprim. Ja si thuhet aty: “Njeriu mëndjemprehtë e shikon rrezikun dhe fshihet, por naivët shkojnë më tej dhe e pësojnë” (Fjalë të Urta 27:12). Me fjalë të tjera, moskuptimi i situatave të rrezikshme dhe mosveprimi në përputhje me to, mund të çojë në pasoja shkatërruese.

Por edhe të presësh deri sa situata të bëhet perfekte nuk është mirë sepse mund të humbasësh kohë shumë të vlefshme. Një fjalë e urtë thotë: “Krimbin e kap zogu që del më herët në gjueti”. Nganjëherë, koha më e mirë për të nisur diçka është pikërisht atëhere kur gjithë të tjerët ndodhen ende në inercinë e pritjes. Ndërsa të gjithë janë shtangur nga frika për të ardhmen, më të guximshmit, me ide të qarta dhe largpamësi, ia dalin që të ngrenë e të zhvillojnë biznese të suksesshme.

Po ku qëndron sekreti? Si mund të dallosh se kur është momenti që duhet pritur dhe kur është koha për t’u hedhur me guxim në veprim pavarësisht se situata duket ende e paqartë?

Askush nuk ta thotë këtë gjë, përveç Biblës, e cila përmban disa udhëzime që duhen marrë parasysh. Libri i Fjalëve të Urta ka disa të tilla që na mësojnë:

Të mbledhim gjithë informacionin e nevojshëm. Një nga shkaqet kryesore të dështimit është mungesa e vullnetit për të studjuar me hollësi situatat para se të hidhemi në veprim. “Zemra e njeriut të matur përfton dituri; veshi i të urtëve e kërkon atë” (Fjalë të Urta 18:15).

Të kërkojmë këshillën e partnerëve të besuar. Një mënyrë për t’u informuar saktë është të këshillohesh me kolegët në lidhje me iniciativën që dëshiron të ndërmarrësh. Ata mund të të thonë gjëra që ti nuk i ke menduar kurrë. “Pa udhëheqje kombi bie, por shumë këshilltarë e bëjnë të sigurtë fitoren” (Fjalë të Urta11:14). “Planet dështojnë kur mungon këshillimi, por realizohen kur ka shumë këshilltarë” (Fjalë të Urta 15:22).

Të hidhemi në veprim me qëllimin për të nderuar dhe kënaqur Perëndinë. Shpesh planet e njerëzve motivohen nga qëllime egoiste. Kjo mund të shmanget vetëm në rast se ata i venë detyrë vetes që të ndjekin rrugën që ua ndriçon Perëndia. Në Testamentin e Ri të Biblës, te Romakëve 8:5 thuhet: "Ata që rrojnë sipas mishit e çojnë mendjen në gjërat e mishit, por ata që rrojnë sipas Frymës (e çojnë mendjen) në gjërat e Frymës."

Planifikimi i kujdesshëm dhe parashikimi i rreziqeve janë të domosdoshme në biznes, por kur e ndjen me të vërtetë se Perëndia të prin në rrugën tënde, gjëja më e mençur që mund të bësh është t’i nënshtrohesh frymës hyjnore.

Copyright 2010, Integrity Resource Center, Inc. Adaptuar me lejen e "Integrity Moments ëith Rick Boxx," komente mbi cështje të integritetit moral në biznes nga këndvështrimi i krishterë. Për të mësuar më shumë mbi Inegrity Resource Center ose për t’u rregjistruar tek shërbesa e përditshme e Rick-ut “Integrity Moments”, vizito ëëë.integrityresource.org. Libri i tij me titull “Si të rritësh biznesin pa sakrifikuar integritetin” është një qasje me frymë biblike ndaj të bërit biznes sipas moralit të krishterë.

Reflektim/Diskutime Pyetje

Si trajtohet në ndërmarrjen ku ti punon çështja e planifikimit për të ardhmen nën presionin që ushtron pasiguria e theksuar në ekonominë lokale dhe atë globale?
Dihet se duhet të jemi të kujdesshëm në ndërmarrjen e iniciativave të reja, por a mbart ndonjë rrezik të qenit “tepër i kujdesshëm”? Shpjegoje përgjigjen.
Kur e ndjen se duhen zbatuar ide të reja, çfarë metode ndjek zakonisht? A ke përdorur ndonjë nga metodat e sygjeruara nga Mr. Boxx? A mendon se ato mund të jenë të frytshme në të ardhmen?
Në botën e sotme pragmatike të biznesit, çfarë do të thotë të kesh dëshirën dhe qëllimin për të kënaqur Perëndinë gjatë bërjes biznes? Si kuptohet kjo në lidhje me pasiguritë që paraqet ekonomia në përgjithësi? A është e logjikshme ta bësh? Pse, ose pse jo?

SHËNIM:Po ta kesh Biblën dhe dëshiron të lexosh më shumë në lidhje me këtë temë, shiko pasazhet si më poshtë:

Psalme 37:4-5, Fjalë të Urta 10:17, 11:2,14, 12:15, 14:15, 15:14, 16:3,9, 27:17; Kolosjanëve 3:17